„რუსთავი 2“-თან მომხდარი დაპირისპირების დროს დაკავებული „ქართული მარშის“ წევრები სასამართლოს სხდომათა დარბაზიდან ხელწერილის საფუძველზე გათავისუფლდნენ.

დღევანდელ პროცესზე დაცვის მხარემ სხდომის გადადება მოითხოვა. როგორც ადვოკატებმა აღნიშნეს, მათი დაცვის ქვეშ მყოფების დაკავების ოქმები და საქმის მასალები  არ გადასცემიათ. შესაბამისად, მათი თქმით, მტკიცებულებების გასაცნობად დრო სჭირდებათ. მოსამართლე ნინო ჭალიძემ დაცვის მხარის შუამდგომლობა დააკმაყოფილა.

მომდევნო სასამართლო პროცესი 16 აპრილს, 10:00 საათზე ჩაინიშნა.

ტელეკომპანიის შენობასთან გუშინ ადმინისტრაციული წესით „ქართული მარშის“ 6 წევრი დააკავეს. 2 მათგანი კლინიკაში იმყოფება, 1 ხელწერილით გათავისუფლდა, 3-თან დაკავშირებით კი, სასამართლომ გადაწყვეტილება სწორედ 16 აპრილს უნდა მიიღოს. 

შეგახსენებთ, „ქართული მარშის” წევრები გუშინ გიორგი გაბუნიას რეპლიკას აპროტესტებდნენ: "იესო ქრისტე  აჭარაში უნდა მოსულიყო და ჯვარზე ვეღარ გააკრავდნენ, რადგან ხე აღარ იქნებოდა დარჩენილი, იმიტომ რომ ბიძინამ ყველა ხე თავის ეზოში გადარგა".

მოგვიანებით განცხადება „რუსთავი 2“-ის გენერალურმა დირექტორმა ნიკა გვარმიამ გააკეთა: „მინდა არხის სახელით ბოდიში მოვუხადო ყველა იმ მორწმუნეს ვისი რელიგიური გრძნობებიც უნებურად შეილახა ჩვენი ჟურნალისტის განცხადებებით. ეთიკის კომისიამ იმსჯელა ამ საკითხზე და მიიღო გადაწყვეტილება, რომ ჟურნალისტ გიორგი გაბუნიას გამოეცხადოს საყვედური, რამეთუ მის მიერ აზრის გამოხატვა არღვევდა მორწმუნეთა გრძნობებს, მით უფრო იმ გარემოებებში, როდესაც ამის ლეგიტიმური ინტერესი არ არსებობს აღნიშნული ქმედებებისგან, ჟურნალისტმა თავი უნდა შეიკავოს“, - აღნიშნა გვარამიამ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია