ჩრდილოატალნტიკური ალიანსი რუსეთს მოუწოდებს, სერგეი სკრიპალის საქმესთან დაკავშირებით განმარტება გააკეთოს, - ამის შესახებ DW იუწყება.

მედია საშუალების ინფორმაციით, ნატო რუსეთის დაზვერვის ყოფილ ოფიცერზე სერგეი სკრიპალზე თავდასხმას "საერთაშორისო წესების და მოლაპარაკებების დარღვევად აფასებს".

ნატოს წევრი ქვეყნები რუსეთს მოუწოდებენ, აღნიშნულ საკითხთან დაკავშირებით დიდი ბრიტანეთის კითხვებს პასუხი გასცეს. შესაბამისი განცხადება დღეს განიხილეს და 29 წევრმა ქვეყანამ მას ხელი უკვე მოაწერა.

ამასთან, ნატომ ბრიტანეთს სოლიდარობა გამოუცხადა და აღნიშნა, რომ მზად არის, ქვეყანას დახმარება გაუწიოს. ალიანსის წევრმა ქვეყნებმა გამოძიებაში ჩართვის მზაობაც გამოთქვეს.

ცნობისთვის, მანამდე ბრიტანეთის პრემიერმა ტერეზა მეიმ აღნიშნა, რომ სერგეი სკრიპალის მოწამვლის უკან დიდი ალბათობით რუსეთი დგას. მისი თქმით, სკრიპალი და მისი ქალიშვილი მოწამლეს ნივთიერებით, რომელიც რუსეთში დამზადდა. აღნიშნულის გამო, ბრიტანეთი ქვეყნიდან 23 რუსი დიპლომატის გაძევებას გეგმავს. ბრალდებებს რუსეთის საგარეო საქმეთა სამინისტრო უკვე გამოეხმაურა. უწყების პრესსპიკერმა მარია ზახაროვამ ტერეზა მეის გამოსვლას "საცირკო შოუ" უწოდა.

შეგახსენებთ, რომ სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს. პოლკოვნიკი სერგეი სკრიპალი 1999 წლამდე რუსეთის გენერალური შტაბის დაზვერვის მთავარ განყოფილებაში მუშაობდა. 2006 წელს მას ბრიტანეთის დაზვერვის სასარგებლოდ ჯაშუშობისთვის 13 წლით თავისუფლების აღკვეთა მიუსაჯეს. 2010 წელს ის რუსულ, ამერიკულ და ბრიტანულ სპეცსამსახურებს შორის გაცვლის ოპერაციის ფარგლებში შეიწყალეს.

ავტორი: ,

სოციალური ქსელები

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა

სოფელ ხრამში კაცის ცხედარი იპოვეს