ბელარუსში დაკავებული ორი ქართველი ე.წ. კანონიერი ქურდიდან ერთს პატიმრობა, მეორეს კი, დეპორტაცია ემუქრება - ამის შესახებ Sputnik.by იუწყება.

ბელარუსის მილიციის პოლკოვნიკის ვლადიმერ ტიხინიას ინფორმაციით, გელა ქარდავას (გელა გალსკი) წინააღმდეგ საქმე ყალბი დოკუმენტების გამოყენების მუხლითაა აღძრული.  მისივე თქმით, აღკვეთის ღონისძიების სახით მას პატიმრობა შეეფარდა. ბრალის დამტკიცების შემხთვევაში ქარდავას სამ წლამდე თავისუფლების აღკვეთა ემუქრება.

"რაც შეეხება მეორე დაკავებულს, სულიკო შარიქაძეს (სულიკო სუხუმსკი), მიღებულია გადაწყვეტილება საქართველოში მისი იძულებითი დეპორტაციის შესახებ. გამოთხოვილია აუცილებელი დოკუმენტაცია. უახლოეს დღეებში ჩვენ მას ქვეყნიდან გავაძევებთ“, - განაცხადა ტიხინიამ.

შეგახსენებთ, რომ მინსკის ეროვნულ აეროპორტში გელა ქარდავა 17 იანვარს, ხოლო სულიკო შარიქაძე 18 იანვარს დააკავეს.

ავტორი: ,

სოციალური ქსელები

სოფელ ხრამში კაცის ცხედარი იპოვეს

შესაძლოა, აშშ-მ უახლოეს დღეებში ირანში გამდიდრებული ურანის ჩამორთმევის მიზნით სახმელეთო ოპერაცია დაიწყოს - The New York Times

Mercedes-მა, Volkswagen-ის შემდეგ, სამხედრო პროდუქციის წარმოების მზადყოფნა გამოაცხადა

რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა