ე.წ. წითელ ბაღში, არასრულწლოვნების დაჭრის ფაქტზე დაკავებულ მოზარდს ბრალი წარედგინა.

არსებული ინფორმაციით, სასამართლო აღკვეთის ღონისძიებაზე ხვალ იმსჯელებს.

შეგახსენებთ, 31 იანვარს ყაზბეგის გამზირზე, "წითელ ბაღში" #35-ე სკოლის 2 მოსწავლე დაჭრეს. მოზარდები რესპუბლიკურ საავადმყოფოში გადაიყვანეს, სადაც ისინი მკურნალობას ამ დრომდე აგრძელებენ.

ერთ-ერთი მოზარდის ადვოკატის ინფორმაციით, არასრულწლოვნებს შორის სისხლიანი გარჩევა სკოლის ბანკეტს უკავშირდება. მისივე თქმით, 35-ე სკოლის სამი მოსწავლე 1-ელი ექსპერიმენტული სკოლის ბანკეტზე დაპატიჟეს, რასაც ამავე სკოლის მოსწავლეთა გარკვეული ჯგუფის უკმაყოფილება მოჰყვა. ყოფილი თანაკლასელები ვითარების გასარკვევად ე.წ. წითელ ბაღში შეიკრიბნენ, რის შემდეგაც სიტყვიერი დაპირისპირება ფიზიკურში გადაიზარდა.

სამართალდამცველებმა მომხდართან დაკავშირებით 2000 წელს დაბადებული ა.ნ. გუშინ დააკავეს.

„გამოძიებამ დაადგინა, რომ მიმდინარე წლის 31 იანვარს თბილისში, ალ.ყაზბეგის გამზირზე, ე.წ. წითელი ბაღის ტერიტორიაზე, ა.ნ.-მ ურთიერთშელაპარაკებისას ყოფილ თანაკლასელებს - 2000 წელს დაბადებულ ნ.ც.-ს და 2000 წელს დაბადებულ ი.ც.-ს ცივი იარაღით მუცლისა და გულმკერდის არეში თითო ჭრილობა, ხოლო 2000 წელს დაბადებულ ლ.ხ.-ს ხელზე მსუბუქი ჭრილობა მიაყენა და შემთხვევის ადგილიდან მიიმალა“, - ნათქვამია შსს-ს განცხადებაში.

ავტორი: ,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს