საქართველო–იტალიის ურთიერთობების საკითხები და თანამშრომლობის გაღრმავების პერსპექტივები განიხილეს საქართველოს პრემიერ–მინისტრ ირაკლი ღარიბაშვილისა და იტალიის რესპუბლიკის ეკონომიკისა და ფინანსთა მინისტრ პიერ კარლო პადოანის შეხვედრაზე.

მთავრობის ადმინისტრაციის პრესსამსახურის ინფორმაციით, მხარეებმა საქართველოს საინვესტიციო შესაძლებლობებზე ისაუბრეს. აღინიშნა, რომ ამ მიმართულებით  თანამშრომლობა დინამიურად ვითარდება. იტალიური კომპანიების მხრიდან არსებობს განსაკუთრებული ინტერესი სოფლის მეურნეობის სექტორისადმი, ასევე ენერგეტიკულ და ინფრასტრუქტურულ პროექტებზე.

„იტალიური ინვესტიცია წარმოადგენს უმსხვილეს ინვესტიციას საქართველოში. მოხარული ვარ, რომ იტალიური კომპანიები ახორციელებენ არაერთ წარმატებულ პროექტს, მათ შორის არის „ფერერო როშერი“,–განაცხადა ირაკლი ღარიბაშვილმა.

შეხვედრაზე ხაზი გაესვა საქართველოს ტურისტულ პოტენციალს და გამოითქვა კმაყოფილება ბოლო პერიოდში იტალიელ ვიზიტორთა რაოდენობის ზრდის გამო.

მხარეებმა ასოცირების ხელშეკრულების ფარგლებში საქართველოსთან მომავალი ეკონომიკური ურთიერთობების საკითხებზე იმსჯელეს და განიხილეს პერსპექტივები, რომლებიც აქტუალურია აღმოსავლეთ პარტნიორობის ქვეყნების ევროკავშირთან და ყოვლისმომცველ თავისუფალ სავაჭრო სივრცესთან ინტეგრაციისთვის.

შეხვედრას ეკონომიკური საბჭოს მდივანი, ბიზნესომბუდსმენი გიორგი გახარია დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო