ექსპერტი სოსო ცისკარიშვილის შეფასებით, პრემიერ–მინისტრი ირაკლი ღარიბაშვილი პოპულარულ პოლიტიკოსთა რიგებში რომ არ ლიდერობს, ბუნებრივია.

ამის შესახებ ცისკარიშვილმა „ექსპრესნიუსთან“ საუბარში NDI–ის პოლიტიკური კვლევის შედეგებთან დაკავშირებით განაცხადა.

მისივე თქმით, ყველა სირთულე, რომელიც დღეს საქართველოშია, აღმასრულებელი ხელისუფლების პირველ პირთან ასოცირდება. 

„ცხადია, მისი მონაცემები რაიმე განსაკუთრებული ცვლილებების მიმანიშნებელი არ არის. ამასთან, უნდა ვაღიაროთ,რომ საკუთარი აზრის გამოთქმის თავისუფლების ხარისხი იზრდება და აზრთა სხვადასხვაობაც მრავალფეროვანია“, – აღნიშნა ცისკარიშვილმა. 

ექსპერტის განცხადებით, NDI –ის  კვლევის თანახმად, ქართულ საზოგადოებაში არ არის იმის მზაობა, რომ ხელისუფლება მოქმედი  პოლიტიკური სუბიექტებით იყოს დაკომპლექტებული. 

ნდობის შემცირება კი, ცისკარიშვილის შეფასებით, ხელისუფლების ნაკლები თვითკრიტიკის შედეგია. 

მან აქვე დასძინა, რომ ჯანსაღი კრიტიკა წარმატების წინაპირობაა. 
 
„აუცილებელია მზაობა იმისათვის, რომ ცუდზე ცუდი ითქვას, კარგზე კარგი და არ იყოს მუდმივი მცდელობა ფავორიტი ხელისუფლების ქებათა–ქების. სწორედ ჯანსაღი კრიტიკა არის წინა პირობა  რაიმე წარმატების, სხვა შემთხვევაში  პოლიტიკური ძალები პოლიტიკურ ასპარეზს ტოვებენ და ამ გადაწყვეტილებას ამომრჩეველი იღებს. საბედნიეროდ ჩვენი ქვეყანა ეკუთვნის იმ ქვეყნების რიცხვს, რომელთაც შეუძლიათ არჩევნების წესით ხელისუფლების ცვლილება, მაგრამ ცვლილებას მუდმივად ცალსახა ვექტორი არ გააჩნია. დღეს ქართულ საზოგადოებაში დაბნეულობაა, თუ ვის ისურვებს იგი, მომავალ ხელისუფლებად. ამ კვლევის მონაცემები დასაფიქრებელია იმ კუთხით, რომ ამომრჩეველთა ნახევარზე მეტს არ აქვს მზაობა, რომ იგივე პოლიტიკური სუბიექტები იყვნენ ხელისუფლებაში“, – განაცხადა სოსო ცისკარიშვილმა.

ცნობისთვის, დღეს NDI–მ მედიას პოლიტიკური რეიტინგების კვლევის შედეგები გააცნო, რომლის თანახმადაც, „ქართული ოცნების“ რეიტინგი წინა წელთან შედარებით შემცირდა.

ამასთან, კვლევის თანახმად პოლიტიკური თანამდებობის პირებს შორის საქართველოს პრეზიდენტი გიორგი მარგველაშვილი ლიდერობს. პრეზიდენტის საქმიანობა 52%-ს მოსწონს. 51% „თავისუფალი დემოკრატების“ ლიდერის ირაკლი ალასანიას საქმიანობას დადებითად აფასებს, საპარლამენტო უმცირესობის ლიდერის დავით ბაქრაძის – 44%, ხოლო 45% პარლამენტის თავმჯდომარის, დავით უსუფაშვილის საქმიანობას. გამოკითხულთა 40%-ს პრემიერ-მინისტრის ირაკლი ღარიბაშვილის საქმიანობა მოსწონს, 31%-ს კი არა. მოსახლეობის 33% თავდაცვის მინისტრის თინა ხიდაშელის საქმიანობას დადებითად აფასებს, 34% კი უარყოფითად. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო