„როცა ეკონომიკური პროცესების გამო კმაყოფილთა რაოდენობა არ იზრდება და პარალელურად ხელისუფლებას თვითკრიტიკა არ ახასიათებს, მის მიმართ ნდობა მცირდება“, – ასე შეაფასა “ექსპრესნიუსთან” საუბარში დამოუკიდებელ ექსპერტთა კლუბის პრეზიდენტმა სოსო ცისკარიშვილმა NDI –ის პოლიტიკური კვლევის შედეგები, რომლის თანახმადაც „ქართული ოცნების“ რეიტინგმა წინა წელთან შედარებით დაიწია.

მისივე შეფასებით, დღევანდელ პირობებში, მოქმედი ხელისუფლების მიმართ ნდობის შემცირება რეალურია. თუმცა, როგორც ექსპერტმა აღნიშნა, ხელისუფლებასთან დაკავშირებით  საზოგადოების განწყობის დიდი ნაწილი „ნაციონალური მოძრაობის“ დამსახურებაცაა.

„ძნელად წარმოსადგენია, რომ ეს მონაცემები ხელისუფლების მიერ აღიარებულ იქნას, მაგრამ კლების ტენდენცია, რამდენადაც საწყენი უნდა იყოს ხელისუფლებისთვის, უფრო რეალური ვექტორია, ვიდრე შესაძლებელი ყოფილიყო მისი ზრდა დღევანდელ პირობებში. რასაკვირველია, ამ განწყობების დიდი ნაწილი  შექმნილია „ნაციონალური მოძრაობის“ მიერ, მაგრამ როდესაც ხელისუფლებას არ ახასიათებს რაიმე ტიპის თვითკრიტიკა, მის მიმართ ნდობა მცირდება. მითუმეტეს მაშინ, როდესაც პარალელურად, არ იზრდება კმაყოფილთა რაოდენობა ქვეყანაში მიმდინარე ეკონომიკური პროცესების გამო“, – განაცხადა სოსო ცისკარიშვილმა.

როგორც მან აღნიშნა, მოქმედი ხელისუფლების მხრიდან, საზოგადოების განწყობის გამოსასწორებლად, რეაგირება აუცილებელია.

„არამგონია გაკვირვების საგანი იყოს რეიტინგები, მაგრამ რეაგირების აუცილებლობა ჩემთვის თვალსაჩინოა.  თუ ხელისუფლება იაქტიურებს იმ არც თუ ისე სახარბიელო შეფასებების გამოსასწორებლად, რომელიც არაერთია კვლევაში, ავტომატურად გაიზრდება მისი ავტორიტეტიც“, – აღნიშნა ცისკარიშვილმა.

ცნობისთვის, NDI–ის კვლევების თანახმად, მიმდინარე წელს „ქართული ოცნების“ რეიტინგი 24% შეადგენს, გასულ წელს კი, 42% იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო