თურქეთში, ქალაქ ანტალიაში 13-14 მაისს ნატო-ს მინისტერიალი იმართება, რომელშიც საქართველოს საგარეო საქმეთა მინისტრი თამარ ბერუჩაშვილი იღებს მონაწილეობას.

საგარეო უწყების ინფორმაციით, მინისტრი ავღანეთში მიმდინარე ნატო-ს მისიის, ,,მტკიცე მხარდაჭერის’’, მონაწილე ქვეყნების საგარეო საქმეთა მინისტრებს სიტყვით მიმართავს. თამარ ბერუჩაშვილი  ასევე დაესწრება შეხვედრას ,,გაძლიერებული შესაძლებლობების პარტნიორობის ჯგუფის’’ ფორმატში, რომელიც მიეძღვნება ახლო აღმოსავლეთში განვითარებულ მოვლენებს.

მინისტერიალის ფარგლებში დაგეგმილია თამარ ბერუჩაშვილის  ოცამდე ორმხრივი შეხვედრა.

ნატო-ში საქართველოს ელჩის ალექსანდრე მაისურაძის განცხადებით, განხილული იქნება რეგიონში განვითარებული მოვლენები, საქართველოში მიმდინარე საკითხები და ოკუპირებულ ტერიტორიებზე შექმნილი ვითარება.   შეხვედრებზე მთავარი ფოკუსი ასევე გაკეთებული იქნება ვარშავის სამიტის მოსამზადებელ პერიოდზე, რათა სამიტზე ადექვატურად იყოს ასახული საქართველოს მიერ მიღწეული პროგრესი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო