ბელარუსის პოლიციამ მინსკის აეროპორტში, ორი ქართველი ე.წ კანონიერი ქურდი დააკავა. 

ინფორმაციას ბელარუსის შსს–ს პრესსამსახური ავრცელებს.

„ ბელარუსის, ორგანიზებულ დანაშაულთან და კორუფციასთან ბრძოლის დეპარტამენტის თანამშრომლებმა, მინსკის ნაციონალურ აეროპორტში 17–18 იანვარს,  საქართველოს ორი მოქალაქე დააკავეს.   გელა ქარდავა და სულიკო შარიქაძე ე.წ „კანონიერი ქურდები“ არიან“,– ნათქვამია გავრცელებულ განცხადებაში.

განცხადებაში აღნიშნულია, რომ 43 წლის გელა ქარდავამ სამართალდამცველებს რუსული პასპორტი გადასცა, რომელშიც სხვა სახელი და გვარი იყო მითითებული.

„ოპერაციის დროს, დაკავებულმა  კრიმინალურ სამყაროსთან თავისი კავშირი დაადასტურა და აღნიშნა რომ რუსეთიდან ბელარუსში 16 იანვარს ჩავიდა. შემდეგ კი სტამბოლში გეგმავდა გაფრენას“,– ნათქვამია განცხადებაში.

სამართალდამცავების ინფორმაციით, ქარდავამ ე.წ „კანონიერი ქურდის“ სახელი 22 წლის ასაკში მიიღო და წლების განმავლობაში არაერთი უკანონო ქმედება ჩაიდინა თავის უმცროს ძმა გიზო ქარდავასთან ერთად, რომელიც ასევე კრიმინალური ავტორიტეტია.

„დაკავებული სულიკო შარიქაზე, რომელიც 1973 წელს არის დაბადებული. არაკანონიერად იმყოფებოდა ბელარუსიის ტერიტორიაზე. ქვეყანასი ის ავტომანქანით, რუსეთიდან, დაახლოებით 7 დეკემბერს შემოვიდა. სადაც იარაღის უკანონო შენახვა–ტარებისთვის იხდიდა სასჯელს “, – ნათქვამია განცხადებაში.

ორივე ბრალდებული პატიმრობაში იმყოფება.

ავტორი: ,

სოციალური ქსელები

ივანიშვილის წარმომადგენელი ბოჭორიშვილი განმარტავს, რატომ არ დაუჭირა მხარი, პუტინის წინააღმდეგ ტრიბუნალის შექმნას

ოცნების რეჟიმმა მხარი არ დაუჭირა იმ ადამიანის გასამართლებას, ვინც 412 ქართველის მოკლა და ანწუხელიძე აწამა

PSP-ს მარკეტინგის დირექტორი - ანო გოგიჩაძე The One Show-ს მიერ წლის მარკეტერად დასახელდა

17 მაისთან დაკავშირებით შსს განცხადებას ავრცელებს და ქუჩებს კეტავს