არასრულწლოვანი, რომელიც დღეს გამოძიებას ჩაბარდა, დანაშაულს ნაწილობრივ აღიარებს

2017-12-04 21:38:53, 2565 ნახვა

სამართალი

არასრულწლოვანის მკვლელობაში ბრალდებული, რომელიც დღეს პოლიციას ჩაბარდა, დანაშაულს ნაწილობრივ აღიარებს და ამბობს, რომ გარდაცვლილს მან მხოლოდ ერთი ჭრილობა მიაყენა. ამის შესახებ მისმა ადვოკატმა ტარიელ კაკაბაძემ "კურიერის" პირდაპირ ეთერში განაცხადა.

„ამბობს, რომ ჰქონდა დანა, რომელიც მხოლოდ ერთხელ გამოიყენა. თუ დავუჯერებთ მის ჩვენებას, სხვა დაზიანებები მოგვიანებით სხვა პირებმა მიაყენს დაზარალებულს. მნიშვნელოვანია, თუ რას იტყვის ექსპერტიზის დასკვნა. ჩემი ვარაუდით, ეს დაზიანებები არ უნდა იყოს მიყენებული ერთი პირის მიერ.მე არ ვაპირებ, ხელი დავაფარო ბრალდებულს, თუ მას სრულად დაუდასტურდა ბრალდება.თუ დადგინდა, რომ ის ჭრილობები სულ სხვა პირებმა მიაყენეს, მოვითხოვთ იმ პირების პასუხისგებაში მიცემას, რომლებმაც მიაყენეს ჭრილობები.

დაზარალებულის ოჯახი იმსახურებს, იცოდეს სიმართლე. არ მსურს, ერთ პიროვნებას შევაწმინდოთ ხელი, თუ მას არ დაუდასტურდა ყველა იმ ჭრილობის მიყენება, რომელსაც მას ედავებიან“,-განაცხად ადვოკატმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები