პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა თბილისის აბრეშუმის გზის ფორუმზე გამოსვლისას ყურადღება გაამახვილა მთავრობისა და ბიზნესის თანამშრომლობის ფორმაზე. 

კერძოდ კი, ისეთ ფორმაზე, როგორიცაა ინვესტორთა საბჭო, რომელიც პრემიერ-მინისტრთან არსებული დამოუკიდებელი საკონსულტაციო ორგანოა და მიზნად ისახავს დიალოგის წარმოებას კერძო სექტორის მეწარმე სუბიექტებს, საერთაშორისო ორგანიზაციებს, დონორებსა და საქართველოს მთავრობას შორის ხელსაყრელი, არადისკრიმინაციული, გამჭვირვალე და სამართლიანი ბიზნეს და საინვესტიციო კლიმატის შესაქმნელად.

პირველი ვიცე-პრემიერის განცხადებით, გადაწყვეტილების მიღების პროცესში კერძო სექტორის ჩართულობა მნიშვნელოვანია, რისი მაგალითიცაა ინვესტორთა საბჭო.

დიმიტრი ქუმსიშვილის თქმით, ესაა რეგულარული პლატფორმა, რომელიც ითვალისწინებს გარკვეული პერიოდულობით შეკრებას, რომელსაც ესწრებიან პრემიერ-მინისტრი, სხვა მინისტრები, ბიზნეს ასოციაციებისა და საერთაშორისო საფინანსო ორგანიზაციების წარმომადგენლები.  

„როგორც კი კერძო სექტორს გაუჩნდება პრობლემა, ის უკავშირდება ბიზნეს ასოციაციას, რომელსაც პრემიერ-მინისტრის კაბინეტამდე, ჩვენამდე მოაქვს ეს ამბავი. წარმოიდგინეთ, როგორ სწრაფად ხდება ეს კომუნიკაცია,“ - განაცხადა პირველმა ვიცე-პრემიერმა.

(NS)

ავტორი: ,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს