სპეცოპერაცია გრძელდება - გაბრიელ სალოსის ქუჩაზე ინტენსიური სროლის და აფეთქებების ხმა ისმის

2017-11-22 15:06:51, 2240 ნახვა

სამართალი

გაბრიელ სალოსის ქუჩაზე ინტენსიური სროლის და აფეთქებების ხმა ისმის

გაბრიელს სალოსის გამზირზე ანტიტერორისტული სპეცოპერაცია გრძელდება.

ადგილზე ინტენსიური სროლის და აფეთქებების ხმა ისმის.

სპეციალური დანიშნულების რაზმმა იმ კორპუსზე მიიტანა შტურმი, სადაც ტერორიზმში ეჭვმიტანილი პირები არიან გამაგრებული. ისინი სამართალდამცველების მიმართულებით პერიოდულად ცეცხლს ხსნიან და ფანჯრიდან ხელყუმბარებს აგდებენ.

ადგილზე სპეცრაზმის გარდა ძალოვანი სტრუქტურების სხვადასხვა დანაყოფებია მობილიზებული. სპეცოპერაციაში ჩართული არიან ასევე ჯავშანმანქანები.

შეგახსენებთ, რამდენიმე საათის წინ სპეცოპერაციის დროს ერთი სპეცრაზმელი დაიჭრა. მას ჭრილობა თავის არეში აქვს მიყენებული. დაშავებულს სასწრაფო ოპერაცია ჩაუტარდა. მისი ჯანმრთელობის მდგომარეობა კრიტიკულია. გარდა ამისა, გავრცელდა ინფორმაცია, რომ სპეცოპერაციის დროს კიდევ ერთი სამართალდამცველი დაიჭრა, თუმცა ამ ინფორმაციას უწყებები არ ადასტურებენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები