უკრაინამ შესაძლოა, რუსეთთან დიპლომატიური ურთიერთობები გაწყვიტოს, - ამის შესახებ IZ.RU იუწყება.

მედია საშუალების ინფორმაციით, შესაბამისი შესწორება დონბასის რეინტეგრაციის კანონში იყო შეტანილი. აღნიშნული ინიციატივით პრეზიდენტ პეტრო პოროშენკოს ბლოკის წარმომადგენელი, უმაღლესი რადას დეპუტატი ივან ვინნიკი გამოვიდა.

მედიის ცნობით, დონბასის რეინტეგრაციის შესახებ კანონპროექტს 16 ნოემბერს განიხილავენ.

ამასთან, როგორც გაზეთი "კომერსანტი" იტყობინება, რადას დეპუტატების უმრავლესობა კანონპროექტს მხარს დაუჭერს. თუ კანონს ხელს პეტრო პოროშენკო მოაწერს, ამ შემთხვევაში რუსული და უკრაინული დიპლომატიური კორპუსები დაიხურება.

"კომერსანტი" წერს, რომ დიპლომატიური ურთიერთობების გაწყვეტის პირობებში, რუსეთსა და უკრაინას შორის მედიატორის როლი ბელარუსს ან შვეიცარიას დაეკისრება.

ცნობისთვის, პეტრო პოროშენკომ დონბასის რეინტეგრაციის შესახებ კანონპროექტი უმაღლეს რადაში ოქტომბრის დასაწყისში შეიტანა. კანონის ამოქმედების შემთხვევაში, რუსეთი კიდევ ერთხელ იქნება აღიარებული, როგორც აგრესორი სახელმწიფო და იქნება შემოღებული ტერმინი "რუსული საოკუპაციო ძალაუფლება". გარდა ამისა, კანონპროექტი პრეზიდენტს აძლევს უფლებას, სამხედრო მდგომარეობა გამოაცხადოს.  დოკუმენტი პირველი მოსმენით 6 ოქტომბერს მიიღეს. მას მხარი 233 დეპუტატმა დაუჭირა.

ავტორი: ,

სოციალური ქსელები

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ

ევროსაბჭომ პუტინისთვის სპეციალური ტრიბუნალის შექმნის გადაწყვეტილებას მხარი დაუჭირა