ამერიკის შეერთებული შტატების პრეზიდენტის დონალდ ტრამპის საარჩევნო შტაბის ყოფილ უფროსს ბრალდება წაუყენეს, - ამის შესახებ BBC იუწყება.

მედია საშუალების ინფორმაციით, პოლ მანაფორტს მის მიმართ წაყენებული ბრალდების გამო ჩაბარება ურჩიეს, თუმცა ამასთან, მედიისთვის ჯერ უცნობია თუ რაში ედება მას ბრალი.

მედიის ცნობით, მანაფორტის გარდა ბრალდება მის ბიზნეს-პარტნიორს რიგ გაიტსსაც წაუყენეს.

როგორც მედია წერს, აშშ-ის საპრეზიდენტო არჩევნებში რუსეთის ჩარევის შესახებ საგამოძიებო კომისია ვარაუდობდა, რომ მანაფორტი სავარაუდოდ გადასახადებს მალავდა და ასევე დაფარა ინფორმაცია იმის შესახებ, რომ უცხოელ კლიენტებს ლობისტური მომსახურება გაუწია.

მანამდე ცნობილი გახდა, რომ აშშ-ის საპრეზიდენტო არჩევნებში რუსეთის შესაძლო მონაწილეობის შესახებ მიმდინარე გამოძიების სპეცპროკურორმა რობერტ მიულერმა პირველი ბრალდებები წამოაყენა საქმის ერთი ან რამდენიმე ფიგურანტის მიმართ. თუმცა, ვის წაუყენეს ბრალი ჯერჯერობით უცნობია.

ცნობისთვის, მარაფორტი ტრამპის საარჩევნო შტაბს 2016 წლის ივნისიდან აგვისტომდე ხელმძღვანელობდა. ის გუნდიდან მას შმდეგ წავიდა, რაც გაირკვა, რომ მარაფორტი ვიქტორ იანუკოვიჩთან მუშაობდა და აშშ-ში უკრაინის „რეგიონების პარტიის“ ინტერესებს ლობირებდა.

ავტორი: ,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში