თინა ხიდაშელი: პოლიტიკური განცხადებების გაკეთების თავისუფლება, სამწუხაროდ, პარლამენტში დავტოვე

2015-05-04 12:48:58, 344 ნახვა

პოლიტიკა

თავდაცვის მინისტრობის კანდიდატის, თინა ხიდაშელის, განცხადებით, აღმოჩნდა, რომ უწყებში ბევრ ადამიანს იცნობს, მათ შორის ხელმძღვანელობაშიც. ამის შესახებ ხიდაშელმა ჟურნალისტებს თავდაცვის სამინისტროსთან განუცხადა.
კითხვაზე უნდა ველოდოთ თუ არა ცვლილებებს სამინისტროში, ხიდაშელმა განაცხადა, რომ მსგავს საკითხზებზე მომავალ კვირას ისაუბრებს.
რაც შეეხება არასაპარლამენტო ოპოზიციის პრეზიდენტისადმი მიმართვას, მინისტრთა კაბინეტის ახალი შემადგენლობა დასამტკიცებლად პარლამენტში არ გადააგზავნოს, ვინაიდან, მათი მტკიცებით, პრემიერ-მინისტრზე ზეწოლა განხორციელდა, ხიდაშელმა ამ თემაზე დასმულ შეკითხვას ასე უპასუხა:
"ამ თემაზე კომენტარს აღარ გავაკეთებ, რადგან ჩემი თავისუფლება პოლიტიკური განცხადებების, სამწუხაროდ, პარლამენტში დავტოვე",-განაცხადა თინა ხიდაშელმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან