საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი  და ეროვნული ბანკის პრეზიდენტი  კობა გვენეტაძე საერთაშორისო სავალუტო ფონდში აშშ-ის, ჩინეთისა და საფრანგეთის აღმასრულებელ დირექტორებს სუნილ საბარვალს (Sunil Sabharwal), პინგ სუნს (Ping Sun) და ერვი დე ვილროშეს  (Hervé de Villeroché)  შეხვდნენ.

ფინანსთა სამინსიტროს ინფორმაციით, შეხვედრაზე  საქართველოს მაკროეკონომიკური ვითარების და მიმდინარე რეფორმების შესახებ ისაუბრეს. 

 საქართველოს დელეგაციის წევრებმა, რომელთა შორისაც ასევე იყვნენ საქართველოს ელჩი აშშ-ში დავით ბაქრაძე და ფინანსთა მინისტრის მოადგილე ნიკოლოზ გაგუა, საერთაშორისო სავალუტო ფონდის აღმასრულებელ დირექტორებს დეტალური ინფორმაცია მიაწოდეს საქართველოში მიმდინარე ეკონომიკური პროცესების, მაკროეკონომიკური პარამეტრებისა და მთავრობის 4-პუნქტიანი გეგმის ფარგლებში, განხორციელებული და დაგეგმილი რეფორმების თაობაზე.

განსაკუთრებული ხაზი გაესვა იმ გარემოებას, რომ პროგრამა, რომელიც საერთაშორისო სავალუტო ფონდთან მიმდინარეობს, საქართველოს მთავრობის 4-პუნქტიან რეფორმების გეგმას ეფუძნება, რაც საქართველოსთვის უპრეცედენტო ფაქტია.

საერთაშორისო სავალუტო ფონდის აღმასრულებელი  დირექტორთა საბჭოს წევრები უკვე მიმდინარე წლის ნოემბერში, მონაწილეობას მიიღებენ სხდომაში, სადაც საქართველოსთვის საერთაშორისო სავალუტო ფონდთან შეთანხმებას განიხილავს.

შედეგად, საქართველოსთვის ხელმისაწვდომი გახდება პროგრამის მეორე ტრანში 30 მლნ ესდეერის (42.3 მლნ აშშ დოლარის) ოდენობით.

(NS)

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა