რუსეთის ავიაციამ სირიის ქალაქ დეირ-ეზ-ზორთან ტერორისტული დაჯგუფება „ისლამური სახელმწიფოს“ სამეთაურო პუნქტი დაბომბა, რის შედეგადაც დაჯგუფების ერთ-ერთი მეთაური დაიღუპა, - ამის შესახებ BBC იუწყება.

მედია საშუალების ინფორმაციით, დაღუპული ISIS-ის ე.წ. ომის მინისტრი გულმუროდ ხალიმოვია.

რუსეთის თავდაცვის სამინისტროს ცნობით, ავიაიერიშებს სულ 40-მდე ისლამისტი ემსხვერპლა. უწყებაში აცხადებენ, რომ იერიში მას შემდეგ მიიტანეს, რაც მათთვის დაჯგუფების მეთაურების თათბირის ჩატარების შესახებ მიიღეს ინფორმაცია.

ცნობისთვის, გულმუროდ ხალიმოვი, მეტსახელად ალ-ტაჯიკი, „ისლამური სახელმწიფოს“ რიგებში 2015 წელს გაწევრიანდა. ტაჯიკეთში მას სახელმწიფო ღალატში დასდეს ბრალი და მასზე ძებნა გამოცხადდა. გასულ წელს აშშ-ის სახელმწიფო დეპარტამენტმა ხალიმოვის შესახებ ინფორმაციის სანაცვლოდ 3 მილიონი დოლარის ოდენობის ჯილდო დააწესა. ალ-ტაჯიკი „ისლამური სახელმწიფოს“ საველე მეთაური თარხან ბათირაშვილის ლიკვიდაციის შემდეგ გახდა.

ავტორი: ,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ