ნიუ-იორკის ცენტრში, ამერიკის შეერთებული შტატების პრეზიდენის დონალდ ტრამპის წინააღმდეგ საპროტესტო აქცია გაიმართა, - ამის შესახებ nydailynews იუწყება.

მედია საშუალების ინფორმაციით, აქციაში მონაწილეობა ასობით ადამიანმა მიიღო. ისინი Trump-Tower-თან იყვნენ შეკრებილი და შვებულებიდან დაბრუნებულ პრეზიდენტს შეძახილებით დახვდნენ. 

აქტივისტებს ხელში ეკავათ ტრანსპარანტები წარწერით - „მთავარი ნაცისტი“, "არა ტრამპისა და პენსის რეჟიმს", "ჩემი პრეზიდენტი არ ხარ", "სირცხვილი". ისინი პრეზიდენტის იმპიჩმენტს ითხოვდნენ. 

აქციის მონაწილეები აცხადებდნენ, რომ ვირჯინიის ქალაქ შარლოტსვილში მომხდარ არეულობასთან დაკავშირებით ტრამპის რეაგირება დაგვიანებული იყო.

მანამდე დონალდ ტრამპმა, განაცხადა, რომ რასიზმი და ნეონაციზმი ბოროტებაა. მან სიძულვილის, შეუწყნარებლობისა და ძალადობის მსგავსი გამოვლინება დაგმო და დასძინა, რომ ამ ყველაფრის ადგილი ამერიკაში არ არის. 

შეგახსენებთ, რომ 2 დღის წინ ვირჯინიის შტატის ქალაქ შარლოტსვილში ნაციონალისტების აქცია გაიმართა. აქციის მონაწილეები ხელისუფლების მიერ აშშ-ის სამოქალაქო ომის მონაწილის, გენერალ რობერტ ლის ძეგლის დემონტაჟის გეგმას აპროტესტებდნენ. ულტრამემარჯვენეების მარშმა ანტიფაშისტების და სხვა მემარცხენე დაჯგუფებების აქტივისტების კონტრაქციები გამოიწვია, რასაც არეულობა მოჰყვა. ხელისუფლებამ შარლოტსვილში საგანგებო მდგომარეობა გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ