დემურ სტურუას დედა მისი შვილის საქმეზე ხელახალი გამოძიების დაწყებას ითხოვს.

ნონა ჯოჯუას განცხადებით, მას სურს, რომ დემურ სტურუას ნამდვილი მკვლელი დააკავონ.

"მინდა რომ ნამდვილი მკვლელი დავინახო. გოდერძი თევზაძის ინტერესი არ მაქვს, რომ ის ნამდვილად მკვლელია. სასამართლომ გაამართლა, მას თავის გზა აქვს. მე ახლა ნამდვილ მკვლელს ვეძებ", - აღნიშნა ჯოჯუამ.

მისივე მტკიცებით, დემურ სტურუას წერილი იძულებით დააწერინეს.

ცნობისთვის, ქუთაისის საქალაქო სასამართლომ პოლიციელი გოდერძი თევზაძე, რომელსაც დემურ სტურუას თვითმკვლელობამდე მიყვანა ბრალდებოდა, გაამართლა. საქმეზე პირველი ინსტანციის განაჩენს პროკურატურა არ ეთანხმება და სააპელაციო სასამართლოში გაასაჩივრებს.

შეგახსენებთ, რომ დემურ სტურუამ სამტრედიის რაიონში, სოფელ დაფნარში თავი ჩამოიხრჩო. სტურუამ წერილი დატოვა, სადაც ზეწოლაში გოდერძი თევზაძეს ადანაშაულებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა