საქართველოს ყოფილი პრემიერ–მინისტრი ბიძინა ივანიშვილის მტკიცებით უჩა მამაცაშვილს ლარად ქონება არ მიუღია.
ამის შესახებ ივანიშვილმა „ნაციონალური მოძრაობის“ მიერ გავრცელებულ ინფორმაციასთან დაკავშრებით განაცხადა, რომლის თანახმად უჩა მამაცაშვილმა და თანაინვესტირების ფონდის ხელმძღვანელმა გიორგი ბაჩიაშვილმა მიწა 1 ლარად შეიძინეს.
მისივე თქმით, უჩა მამაცაშვილისთვის სახელმწიფო ქონების გადაცემის შესახებ ინფორმაცია სიმართლეს არ შეესაბამება.
ცრუ ინფორმაციის გავრცელებაზე კი, მან  „ნაციონალურმა მოძრაობა“და „რუსთავი 2“ დაადანაშაულა.
„უჩა მამაცაშვილს არ აუღია არაფერი, ეს სიცრუეა. რაღაც ორგანიზაციამ რაღაც წესით კანონის დაცვით მართლაც შეიძინა სათბურებისთვის  მიწა.  მათ ფრანგი პარტნიორები ჰყავთ  და  ფრანგებიც გაუნაწყენდნენ ბაჩიაშვილს. მე მართლაც არ მქონდა უფლება და შეიძლება გადავაჭარბე, როდესაც ეს გავიგე. მათ ჰქონდათ უფლება, კანონი დაიცვეს, რაღაც შეღავათები გააკეთეს, მაგრამ ჩემთვის ეს იყო სასაცილო.  რა თქმა უნდა ძალიან არ მომეწონა ის, რაღაც კაპიკებს გამოეკიდნენ  და ბაჩიაშვილს შენიშვნა მივეცი, თუმცა, მან ჩემთან თავი დაიცვა და საკმაოდ ჩაჭიდებული საუბარიც გვქონდა. „რუსთავი 2“ სიცრუის ტირაჟურებას ახდენს, ჯობია, ინფორმაცია გადაამოწმოთ.  არავითარი კანონდარღვევა უჩა მამაცაშვილს არ ჰქონია, პირიქით, მაქსიმალურად ცდილობს, რომ ბიზნესს არავინ შეეხოს და ერთადერთი  ჭორები მოაქვს ჩემთან, თუ რამე გაიგო და მეც ძალიან ვბრთხილობ, რომ ბიზნესი არავინ დააზარალოს“, – აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს