საგადასახადო ადმინისტრირების, სახელმწიფო ინვესტიციების და ფისკალური რისკების მართვის საკითხები განიხილეს საქართველოს პირველი ვიცე-პრემიერის, ფინანსთა მინისტრის, დიმიტრი ქუმსიშვილისა და საერთაშორისო სავალუტო ფონდის ფისკალურ საკითხთა დეპარტამენტის ხელმძღვანელის, ვიტორ გასპარის (Vitor Gaspar) შეხვედრისას.

შეხვედრას, ასევე, დაესწრნენ საქართველოს ეროვნული ბანკის პრეზიდენტი კობა გვენეტაძე და საქართველოს ელჩი ამერიკის შეერთებულ შტატებში დავით ბაქრაძე.

შეხვედრაზე პირველმა ვიცე-პრემიერმა, დიმიტრი ქუმსიშვილმა დეტალურად ისაუბრა საქართველოს ეკონომიკის განვითარების ტენდენციებზე, აგრეთვე იმ რეფორმებზე, რომლებსაც მთავრობა 4-პუნქტიანი გეგმის ფარგლებში ახორციელებს.

პირველი ვიცე-პრემიერი აშშ-ში სამუშაო ვიზიტით იმყოფება, რომლის ფარგლებშიც, მან მონაწილეობა მიიღო საერთაშორისო სავალუტო ფონდისა და მსოფლიო ბანკის წლიურ შეხვედრაში. მან ასევე პირისპირ შეხვედრები გამართა სხვა ქვეყნების ფინანსთა მინისტრებთან, საერთაშორისო საფინანსო ორგანიზაციებისა და პოტენციური ინვესტორი კომპანიების წარმომადგენლებთან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა