|
2015-04-08 20:17:21, 1142 ნახვა
სამხედრო
სწავლება I მსუბუქ ქვეით ბრიგადაში
საქართველოს შეიარაღებული ძალების I მსუბუქი ქვეითი ბრიგადის მე-12 ბატაიონის „ალფა“ ასეული ერთთვიან საველე მომზადებას გადის. დანაყოფის საბრძოლო მზადყოფნას და მომზადების დონეს ჩრდილო-ატლანტიკური ალიანსის წარმომადგენლები შეამოწმებენ. ეს ის დანაყოფია, რომელიც ნატოს სწრაფი რეაგირების ძალებში უნდა ჩაერთოს. საველე სწავლებების დროს მე-12 ბატაიონის „ალფა“ ასეულის 116 სამხედრო მოსამსახურე საერთო საჯარისო ტაქტიკის მიხედვით მოემზადება. წვრთნების ძირითადი ნაწილი პრაქტიკულ სავარჯიშოებს დაეთმობა. ჯარისკაცები ჩხრეკა-კორდონის, პატრულირების, შეტევით და თავდაცვითი ოპერაციებს განახორციელებენ. სამხედრო მოსამსახურეები საშტაბო, საინჟინრო და სამედიცინო მომზადებასაც გაივლიან. საველე სწავლება 1 აპრილს დაიწყო და თვის ბოლომდე გაგრძელდება. შემდეგ ასეულის პირადი შემადგენლობა ქართულ-ამერიკულ ერთობლივ სწავლებაში „მაღალი დონის პარტნიორობა 2015“ (Noble Partner 2015) მიიღებს მონაწილეობას. ერთთვიანი მომზადების პროგრამა ამ ერთობლივი ქართულ-ამერიკული წვრთნებისთვის მომზადებასაც გულისხმობს. 2013 წლის აგვისტოდან დღემდე, საქართველოს შეიარაღებული ძალების I ქვეითი ბრიგადის მე-12 ბატალიონის „ალფა“ ასეულმა სწავლებები როგორც საქართველოში, ასევე გერმანიაში გაიარა. გერმანიის ქალაქ ჰოჰენფელსში ჩატარებული წვრთნები ნატოს ოპერატიული შესაძლებლობის კონცეფციის ფარგლებში მიმდინარეობდა. ქართველი სამხედრო მოსამსახურეების მომზადების დონის შეფასება აშშ-ის “გაერთიანებული მრავალეროვნული მზადყოფნის ცენტრში“ (JMRC) განხორციელდა.
ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა
ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)