ე.წ. მატროსოვის ციხეში დაკავებულ დეკანოზ გიორგი მამალაძესთან გამომძიებლები და ექსპერტები მივიდნენ.

როგორც საქმის პროკურორმა არჩილ ტყეშელაშვილმა სასჯელაღსრულების დაწესებულებაში შესვლამდე განაცხადა, გამომძიებლები დღეს ბრალდებულისგან დნმ-ის ნიმუშებს აიღებენ.

მისივე თქმით, თუ დეკანოზი  დაკითხვის სურვილს გამოთქვას, ეს დღესვე მოხდება.

„დღეს ექსპერტიზა არ ტარდება, ნიმუშების აღება მოხდება. აღებული ნიმუშები უნდა გადაიგზავნოს სრულყოფილი ექსპერტიზის ჩასატარებლად. თუ ბრალდებული გამოთქვამს სურვილს და მოგვცემს ჩვენებას, მისი დაკითხვა დღესვე მოხდება“,- აღნიშნა  ტყეშელაშვილმა.

ამასთან, მისივე განცხადებით, საქმეზე არაერთი პირი დაიკითხა და მომავალშიც დაგეგმილია მოწმეების დაკითხვა, მათ შორის პატრიარქის მდივან-რეფერენტის შორენა თეთრუაშვილის.

„არსებობს საგამოძიებო გეგმა და ამ გეგმის მიხედვით მოხდება მოწმეების დაკითხვა. გამოძიების ინტერესებიდან გამომდინარე, დეტალებზე ვერ ვისაუბრებ“, - განაცხადა პროკურორმა არჩილ ტყეშელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა