ევროპარლამენტი „ნაციონალური ფრონტის“ ლიდერსა და საფრანგეთის პრეზიდენტობის კანდიდატ მარინ ლე პენს ევროპული ფონდებიდან თანხების გაფლანგვაში სდებს ბრალს, - ამის შესახებ BBC იუწყება.

მედია საშუალების ინფორმაციით, მარინ ლე პენი თანაპარტიელი კატრინ გრიზეს მუშაობას უკანონოდ აფინანსებდა . ევროპარლამენტის ცნობით, ლე პენის თანაშემწე ვალდებული იყო მუშაობის ფარგლებში საკმაოდ დიდი დრო ბრიუსელსა და სტრასბურგში გაეტარებინა, თუმცა ის პარიზიდან თითქმის არ გასულა.

ევროპარლამენტმა გადაწყვიტა, რომ მარინ ლე პენმა თანაშემწეზე უკანონოდ დახარჯული თანხა, რომელიც 300 ათას ევროს აღემატება, უნდა დააბრუნოს, თუმცა ლე პენის განცხადებით, ის თანხის გადახდას არ აპირებს.

მედიის ინფორმაციით, ევროპარლამენტის მიერ დადგენილი თარიღი დღეს ღამის 12 საათზე ამოიწურა.

BBC-ის ცნობით, გადაუხდელობის შემთხვევაში ევროპარლამენტი ლე პენს დეპუტატის ხელფასის მოჭრით ემუქრება.

თავად ლე პენი ამტკიცებს, რომ პოლიტიკური "ვენდეტას" მსხვერპლია.

"არ დავემორჩილები ჩემ პოლიტიკურ ოპონენტებსა და მათ მიერ განხორციელებულ დევნას...იქამდე სანამ არ იქნება საკმარისი სამხილი და სასამართლოს გადაწყვეტილება", - განაცხადა მარინ ლე პენმა.

ცნობისთვის, საფრანგეთში აპრილის თვეში საპრეზიდენტო არჩევნები გაიმართება. მარინ ლე პენი ერთ-ერთი ფავორიტი კანდიდატია. როგორც ვარაუდობენ, მისი მთავარი ოპონენტები ქვეყნის ყოფილი პრემიერ-მინისტრი, კონსერვატორი ფრანსუა ფიიონი და ეკონომიკის ყოფილი მინისტრი, ცენტრისტი ემანუელ მაკრონია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო