ამერიკის შეერთებული შტატების სენატში რუსეთის წინააღმდეგ სანქციების გამკაცრებასთან დაკავშირებით ახალ კანონპროექტზე მუშაობენ.ინიციატივის ავტორი დემოკრატი სენატორი რიჩარდ დურბინია. ის და სენატორები ასევე ორპარტიული კომისიის შექმნას მოითხოვენ, რომელმაც მოსკოვის მხრიდან კიბერთავდასხმა უნდა გამოიძიოს.

კანონპროექტის ინიციატორი რიჩარდ დურბინი მკაცრად აკრიტიკებს აშშ-ის პრეზიდენტს და აცხადებს, რომ ტრამპის პოლიტიკა კითხვის ნიშნის ქვეშ აყენებს ამერიკის როლს ნატოში და აზიანებს ევროკავშირს. დურბინის განცხადებით, დონალდ ტრამპი აკრიტიკებს ყველას და ყველაფერს, გარდა ვლადიმერ პუტინისა. 

„პრეზიდენტი ტრამპი, რომელიც ყველას, ვინც მას აკრიტიკებს, იმპულსურად ესხმის თავს, არ აკრიტიკებს ერთ პიროვნებას, რომელიც დამნაშავეა ამ კიბერთავდასხმების სპონსორობაში. პრეზიდენტი Twitter-ში წერს ყველაფერზე - კონგრესმენ ჯონ ლუისზე, მერილ სტრიპზე, ალეკ ბოლდუინზე, ამერიკის პრესაზე, ამერიკის დაზვერვის საზოგადოებაზე, ჰამილტონის მსახიობებზე, ნატოზე, ვლადიმერ პუტინს კი ინდობს,“ - აცხადებს რიჩარდ დურბინი.

როგორც ცნობილია, სენატორების მოთხოვნილმა ორპარტიულმა კომისიამ რუსეთის კიბერთავდასხმის გარდა უნდა შეისწავლოს, ნამდვილად ფლობს თუ არა რუსეთი კომპრომატებს დონალდ ტრამპის წინააღმდეგ და არის თუ არა საფრთხის შემცველი პრეზიდენტის გარემოცვის კონტაქტები რუსეთის ხელისუფლებასთან. სენატორ დურბინს საეჭვოდ მიაჩნია პრეზიდენტის მიერ კამპანიის დროს და მის შემდგომ რუსეთზე გაკეთებული განცხადებები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო