ევროპარლამენტის ახლადარჩეული პრეზიდენტი იტალიელი პოლიტიკოსი, ანტონიო ტაიანი გახდა, - ამის შესახებ BBC ყოფილ თავმჯდომარეზე, მარტინ შულცზე დაყრდნობით იუწყება.

მედია საშუალების ინფორმაციით, 63 წლის ტაიანი იტალიის პრემიერ-მინისტრის სილვიო ბერლუსკონის პრესს-მდივნის თანამდებობას იკავებდა. გარდა ამისა, პოლიტიკოსი ყოფილი ევროკომისარია ტრანსპორტის საკითხებში.

ევროპარლამენტის პრეზიდენტის თანამდებობისთვის ანტონიო ტაიანის გარდა მისი თანამემამულე ჯანი პიტელაც იბრძოდა. 

ტაიანიმ არჩევნებზე 351 ხმა დააგროვა, მაშინ როდესაც სოციალისტმა პიტელამ 282.

ევროპარლამენტის ახალი თავმჯდომარე, ბოლო, მე-4 ტურში აირჩიეს.

ცნობისთვის, ევროპარლამენტს აქვს მანდატი, ევროპული კანონმდებობის დაბლოკვისა და ცვლილებების შეტანის. ამასთან, ევროპარლამენტზე, ბრიტანეთის ევროკავშირიდან გასვლის საკითხში გადამწყვეტი სიტყვა ეთქმის.

შეგახსენებთ, რომ აქამდე ევროპარლამეტის თავმჯდომარის პოსტს 2012 წლიდან მარტინ შულცი იკავებდა, რომელიც კარიერას გერმანიაში გააგრძელებს. მან შესაძლოა გერმანიის საგარეო საქმეთა მინისტრის თანამდებობა დაიკავოს და ამ პოსტზე ფრანკ-ვალტერ შტაინმაიერი შეცვალოს. თავად შტაინმაიერი კი გერმანიის პრეზიდენტობის კანდიდატად არის წარდგენილი.

შულცი ტაიანის გამარჯვებას უკვე გამოეხმაურა და მას წარმატებები უსურვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან