დავით უსუფაშვილი: ე.წ. კაბელების საქმეზე ქვეყნის შიგნით და გარეთ ყურადღება გამახვილდება

2015-03-26 15:33:40, 457 ნახვა

პოლიტიკა

„ე.წ. კაბელების საქმეზე ქვეყნის შიგნით და ქვეყნის გარეთ ყურადღება გამახვილდება’,-ამის შესახებ პარლამენტის თავმჯდომარემ დავით უსუფაშვილმა ჟურნალისტებს საერთაშორისო კონფერენცია: „დემოკრატიის არსი: საგარეო, ეკონომიკური და უსაფრთხოების პოლიტიკის არჩევანი რეგიონში“ დასრულების შემდეგ ჟურნალისტებს განუცხადა.
მისივე თქმით, კაბელების საქმეზე გამოძიება მნიშვნელოვანია, რომ კვალიფიციურად და ყველა პროცედურის დაცვით ჩატარდეს.
„ე.წ. კაბელების საქმეზე ყურადღება ქვეყნის შიგნით და ქვეყნის გარეთ გამახვილდება. ძალიან მნიშვნელოვანია, რომ საქმე იქნას გამოძიებული კვალიფიციურად და ყველა პროცედურის დაცვით.კონკრეტულ დეტალებს ვინ, როდის დაიკითხება თუ არ დაიკითხება ამაზე მე ვერ მოგახსენებთ, ეს გამოძიების საქმეა“,-აღნიშნა უსუფაშვილმა.
ამასთან, პარლამენტის თავმჯდომარემ ექსპერტ მამუკა გუნთიაშვილის პროკურატურაში დაბარებას და დაკითხვასაც გაუსვა ხაზი და აღნიშნა, რომ მისთვის ეს ამბავი უცნაურია.
„რაც შეეხება გუშინდელ მოვლენებს ერთ-ერთი ექსპერტის დაკითხვასთან დაკავშირებით, რომლის თაობაზეც გაკეთდა გუშინ განცხადებები, მაქვს მოლოდინი, რომ სამართალდამცავი ორგანოები კარგად გაერკვევიან თუ რა ხდება.ამ საკითხში სიცხადის შეტანა სამართალდამცავი ორგანოების მხრიდან ზალიან მნიშვნელოვანია. ცოტა უცნაურია ექსპერტთან დაკავშირებული ამბები, დარწმუნებული ვარ, პროკურატურა ამ თემასთან დაკავსირებით სათანადო ნაბიჯებს გადადგამს“,-განაცხადა დავით უსუფაშვილმა.
ცნობისთვის, გუშინ პროკურატურაში ე.წ. კაბელების საქმეზე მომუშავე ექსპერტი მამუკა გუნთიაშვილი დაკითხეს.