გაერო-მ ალეპოში შექმნილ ვითარებას საშინელი და შემზარავი უწოდა. სირიის რიგით მეორე უდიდეს ქალაქში საბრძოლო მოქმედებებს ბოლო ერთი კვირის განმავლობაში 141 ადამიანი, მათ შორის 18 ბავშვი ემსხვერპლა, - ამის შესახებ BBC იუწყება.

როგორც მედია საშუალება, გაერო-ს მონაცემებზე დაყრდნობით წერს, ალყაშემორტყმულ ქალაქში 250 ათასიდან 275 ათასამდე მშვიდობიანი მოქალაქე იმყოფება.

გაეროს ადამიანის უფლებათა სამმართველოს უმაღლესმა კომისარმა ალეპოში საავადმყოფოებზე განხორციელებულ თავადასხმებს კაცობრიობის წინაშე ჩადენილი დანაშაული უწოდა.

ამასთან, აშშ-ის ხელისუფლება ამტკიცებს, რომ იერიში საავდმყოფოებზე რუსულმა ან სირიულმა სამხედრო თვითმფრინავებმა მიიტანეს. ვაშინგტონი ოფიციალურ მოსკოვს მოუწოდებს, რომ სისხლისღვრის შეჩერების მიზნით ასადის მთავრობაზე ზეწოლა მოახდინოს.

ამ დროისთვის ალეპო 2 ნაწილად არის გაყოფილი: პრეზიდენტ ბაშარ ასადის ძალები ქალაქის დასავლეთ ნაწილს, მეამბოხეები კი აღმოსავლეთ რაიონებს აკონტროლებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის

ტრამპმა უარყო პუტინთან დონბასის რუსეთისთვის დათმობასთან დაკავშირებით რაიმე შეთანხმების არსებობა

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი