„ვისაუბრე ყველაფერზე, რაც ჩემთვის ცნობილი იყო, გარდა იმ გარემოებებისა, რა ვითარებაში მოხდა ჩვენი შეხვედრა. იყო დეტალები რაზეც არ ვისაუბრე, რადგან კანონი მაძლევს ამის საშუალებას, - ამის შესახებ ტელეკომპანია "რუსთავი 2"-ის გენერალურმა დირექტორმა ნიკა გვარამიამ შსს-ში გამოკითხვის დასრულების შემდეგ ჟურნალისტებს განუცხადა. 

როგორც გვარამიამ აღნიშნა, კითხვები მამუკა ახვლედიანთან საუბრის ჩანაწერს ეხებოდა. 

„იყო კითხვები 6 მილიონთან დაკავშირებითაც, სრულიად არაკორექტულია ამ შეკითხვების დასმა, ვინაიდან გამოძიება ეხება ინფორმაციის უკანონოდ მოპოვებას. მისი შინაარსი არ უნდა იყოს საინტერესო გამოძიებისთვის, მიუხედავად ამისა დავაკონკრეტე, რომ ეს საკითხი საერთოდ არ ეხებოდა ბატონ ახვლედიანს. საუბარი, რომელიც განთავსებულია ინტერნეტში არის ჩემი ჩაწერილი, არის ნამდვილად ჩემი ხმა, არის დამონტაჟებული იმგავარად, რომ ჩრდილი მიაყენოს ბატონ ახვლედიანს”, - განაცხადა გვარამიამ. 

მისივე ინფორმაციით, ახვლედიანისთვის არავითარი ქრთამის შეთავაზება საუბარი არ ყოფილა. 

​“რატომ უნდა შემეთავაზებინა ახვლედიანისთვის ქრთამი, ის „რუსთავის 2”-ის საკითხზე გადაწყვეტილებას არ იღებდა“, - განაცხადა გვარამიამ. ამასთან, ტელეკომპანიის გენერალურმა დირეტორმა დასძინა, რომ გამოძიების იმედი არ აქვს. „შეუძლებელია ერთი ხელით ჩანაწერებს აკეთებდეს მეორე ხელით იძიებდეს. არ გამოვრიცხავ, რომ საუბარი შიგნიდანაც იყო გამოტანილი. სუს-ის აგენტურამ ჩემ კაბინეტში მოსასმენი აპარატურა ადრე უკვე დაამონტაჟა და ეს ხალხი ისევ სუს-შია დასაქმებული. არ გამოვრიცხავ, რომ საუბარი ჩემივე თანამშრომელს გამოეტანა, ყოველ შემთხვევაში შესაძლებლობა ამისი მაღალია”, - განაცხადა ნიკა გვარამიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში