2016-11-03 16:12:24, 1731 ნახვა
სამართალი
შსს-ში ნიკა გვარამიას გამოკითხვა მიმდინარეობს
საქართველოს შინაგან საქმეთა სამინისტროში „რუსთავი 2“-ის გენერალური დირექტორის ნიკა გვარამიას გამოკითხვა მიმდინარეობს.
ნიკა გვარამიას ადვოკატის, დიმიტრი საძაგლიშვილის განცხადებით, გამოძიებას კითხვები ნიკა გვარამიასა და მამუკა ახვლედიანის საუბრის ჩანაწერთან დაკავშირებით აქვს.
“იქიდან გამომდინარე, რომ გვარამიას წინააღმდეგ არაერთხელ იქნა განხორციელებული დანაშაულის ნიშნების შემცველი ქმედებები და მათ შორის იქნა დაწყებული გამოძიება, თუმცა არც ერთ გამოძიებას შედეგი არ მოყოლია, არ გვაქვს მოლოდინი, რომ რეალურად გამოძიებას მოყვება შესაბამისი შედეგები. კომპიუტერულ სისტემაში შეღწევის რესურსი ყველას არ აქვს. ცხადია, ჩნდება ეჭვი, რომ ამ ყველფრის უკან სპეცსამსახურის წარმომადგენლები დგანან”, - განაცხადა საძაგლიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
