უკრაინამ რუსეთის წინააღმდეგ სანქციები გააფართოვა, - ამის შესახებ რუსული მედია უკრაინის ვიცე-პრემიერზე სტეპან კუბივმაზე დაყრდნობით იუწყება.

როგორც მედია საშულება წერს, კიევის “შავ სიაში” დამატებით 259 ფიზიკური და 46 იურიდიული პირი მოხვდა.

ვიცე-პრემიერის თქმით, მთავრობამ გაახანგრძლივა უკვე მოქმედი სანქციები 388 ფიზიკური და 105 იურიდიული პირის წინააღმდეგ.

ამასთან, კუბივს არ დაუკონკრეტებია, თუ ვინ დაემატა უკრაინის “შავ სიას”.

ცნობისთვის, უკრაინამ რუსეთის ფიზიკური და იურიდიული პირების წინააღმდეგ პერსონალური სანქციები 2014 წლის გაზაფხულზე დააწესა.

შეგახსენებთ, რომ 2016 წლის მაისში უკრაინის პრეზიდენტმა სიაში რუსული უსმხვილესი მედიასაშუალებების 17 ხელმძღვანელის სახელიც დაამატა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა