„გაზპრომი“ საქართველოს 100 მილიონ კუბურ მეტრამდე გაზს მიაწვდის

2016-06-17 11:22:23, 1219 ნახვა

ეკონომიკა

"გაზპრომმა" ქართულ კომპანიასთან საქართველოში გაზის მიწოდების შესახებ კონტრაქტს ხელი მოაწერა, - ამის შესახებ "გაზპრომის" განცხადებაშია ნათქვამი.

განცხადების თანახმად, შესაბამის დოკუმენტს 16 ივნისს, სანკტ-პეტერბურგის საერთაშორისო ეკონომიკური ფორუმის ფარგლებში, "გაზპრომის" პრეზიდენტმა ალექსეი მილერმა და ქართული კომპანია "გაზკო+"-ის კომერციულმა დირექტორმა გიორგი მამალაძემ ხელი მოაწერეს.

აღნიშნული კონტრაქტის თანახმად, 2016 წელს "გაზპრომი", კომპანია "გაზკო+"-ს 100 მილიონ კუბურ მეტრამდე გაზს მიაწვდის.

ცნობისთვის, კონტრაქტის მოქმედების ვადა 2016 წლის 1 ივლისი-31 დეკემბერია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან