სტამბოლში მორიგი აფეთქება მოხდა

2016-06-07 10:59:06, 1301 ნახვა

მსოფლიო

სტამბოლში აფეთქება მოხდა, - ამის შესახებ BBC იუწყება.

როგორც მედია საშუალება წერს, აფეთქება ქალაქის ცენტრალურ რაიონში, მეტროპოლიტენის ერთ-ერთ სადგურთან მოხდა.

მედიის ცნობით, თავდასხმის ობიექტი სავარაუდოდ, პოლიციის ავტობუსი იყო.

წინასწარი ინფორმაციით არიან დაშავებულებიც, ადგილზე სასწრაფო დახმარების ბრიგადები მუშაობენ. თავდასხმაზე პასუხისმგებლობა ჯერ არც ერთ დაჯგუფებას არ აუღია.

ცნობისთვის, თურქეთში ბოლო დროის განმავლობაში რამდენიმე აფეთქება მოხდა. ადგილობრივმა მთავრობამ აფეთქებებს ტერაქტის სტატუსი მიანიჭა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან