სასტუმრო „თბილისი მერიოტში“ დიდი ბრიტანეთის „თავდაცვის კვლევების სამეფო კოლეჯის“ კონფერენცია გაიხსნა.

 ღონისძიებას საქართველოს თავდაცვის მინისტრის მოადგილე ანა დოლიძე დაესწრო.

თავდაცვის სამინისტროს ინფორმაციით, კონფერენციის მონაწილეებმა ნატოს სამომავლო პერსპექტივებზე, ტრანსატლანტიკურ პარტნიორობაზე, ახალ  გამოწვევებზე, რუსეთის აგრესიულ პოლიტიკაზე და სირიაში მიმდინარე კონფლიქტზე ისაუბრეს. 

„დღეს საქართველოში გაერთიანებული სამეფოს ყველაზე მაღალი დონის საგანმანათლებლო კურსის სამხედრო და უსაფრთხოების სფეროს წარმომადგენლები იმყოფებიან. ბრიტანეთი საქართველოს ძალიან აქტიური პარტნიორი და მოკავშირე ქვეყანაა. მსგავსი ტიპის შეხვედრები და თემები, რომლებზეც დღეს აქ ვისაუბრებთ, საქართველოსთვის ძალიან მნიშვნელოვანია. ჩვენთვის ძალიან საინტერესოა წარმოვადგინოთ საქართველოს პერსპექტივები თავდაცვის და უსაფრთხოების თემებზე და მოვისმინოთ მოსაზრებები იმ ლიდერებისგან თუ უმაღლესი დონის წარმომადგენლებისგან , რომლებიც ამ დელეგაციის შემადგენლობაში არიან“, - განაცხადა ანა დოლიძემ.  

დიდი ბრიტანეთის „თავდაცვის კვლევების სამეფო კოლეჯის“ მსმენელები საქართველოში სასწავლო ტურის ფარგლებში იმყოფებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა

ბრიტანეთმა რუსეთის წინააღმდეგ ახალი სანქციები დააწესა უკრაინაში ომისა და სომხეთის არჩევნებში ჩარევის მცდელობის გამო

მეუფე შიო - მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს