საქართველო ირანთან  ელექტროენერგიით ვაჭრობის შესაძლებლობას განიხილავს. ამის შესახებ ენერგეტიკის მინსიტრმა კახი კალაძემ მთავრობის სხდომის დასრულების შემდეგ ჟურნალისტებს განუცხადა.

კალაძის თქმით, ირანი არის ძალიან მნიშვნელოვანი ბაზარი, მით უმეტეს მას შემდეგ, რაც ამ ქვეყანას სანქციები მოეხსნა.

„ეს არის ძალიან მნიშვნელოვანი პროექტი და მე მოხარული ვარ, თუ ჩვენ შევძლებთ სრულყოფილად განვახორციელოთ იგი. ეს ითვალისწინებს ელექტროენერგიით ვაჭრობის შესაძლებლობას ირანის მიმართულებით. ირანი არის ძალიან მნიშვნელოვანი ბაზარი, მით უმეტეს მას შემდეგ, რაც ამ ქვეყანას სანქციები მოეხსნა. ჩვენ მაქსიმალურად უნდა გამოვიყენოთ ამ ქვეყნის რესურსები და შესაძლებლობები. დღეს ჩვენ ელექტროენერგიით ვაჭრობა გვაქვს თურქეთის მიმართულებით; ასევე პატარა მოცულობებით, თუმცა მაინც ხორციელდება ელექტროენერგიით ვაჭრობა სომხეთთან; ჩვენ გვაქვს ძალიან მჭირდო, კარგი ენერგეტიკული კავშირები რუსეთთან, აზერბაიჯანთან, თუმცა კარგი იქნებოდა, თუ უფრო გავაძლიერებდით ელექტროგადამცემი ხაზების მშენებლობის კუთხით გარკვეულ პროექტებს“, - განაცხადა კალაძემ და დასძინა, რომ სომხეთის ელექტროგადამცემი ხაზი უფრო მეტი მოცულობების გატარების საშუალებას არ იძლევა.

 „თუმცა ჩვენ როგორც ვიცით, სომხეთი მუშაობს ახალი ლექტროგადამცემი ხაზების და ქვესადგურის მშენებლობის პროექტზე, რომელიც 2017 წლისთვის უნდა დასრულდეს. ამ პროექტის განხორცელების შემდეგ ჩვენ გვექნება უფრო მეტი შესაძლებლობა, ინვესტორებს მივცეთ საშუალება, რომ განახორციელონ ვაჭრობა არამარტო თურქეთის მიმართულებით, არამედ სომხეთის გავლით ირანის მიმართულებით“, - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო