რუსეთისკენ მიმავალი ნავთობტანკერი Kairos შავ ზღვაში, თურქეთის სანაპიროსთან ახლოს, ნაღმზე აფეთქდა. გემი, რომელიც რუსული ნავთობის ტრანსპორტირებისთვის დიდი ბრიტანეთისა და ევროკავშირის სანქციების ქვეშაა, აფეთქებისა და შემდგომი ხანძრის შედეგად დაზიანდა, იუწყება Bloomberg თურქეთის საზღვაო საქმეთა გენერალურ დირექტორატზე დაყრდნობით.

თურქეთის ხელისუფლება ასევე იუწყება მსგავს ინციდენტზე, რომელიც მეორე ტანკერს, Virat-ს, უკავშირდება. ინციდენტის დროს ორივე გემი გადმოტვირთული იყო. დაზიანებული ტანკერების დასახმარებლად სამაშველო გემები გაიგზავნა.

გემების თვალთვალის მონაცემების თანახმად, Kairos ურალის ნედლი ნავთობის ტვირთით ნოვოროსიისკიდან ინდოეთის პარადიპში მოგზაურობის შემდეგ რუსეთის პორტში ბრუნდებოდა ჩატვირთვისთვის. Bloomberg-ის ცნობით, Virat, რომელიც რუსული ნავთობის ტრანსპორტირებისთვის აშშ-სა და ევროკავშირის სანქციების ქვეშაა, წლის უმეტესი ნაწილი შავი ზღვის დასავლეთ ნაწილში იყო უმოქმედო, მას შემდეგ, რაც 10 იანვარს აშშ-ს სანქციების სიაში შეიყვანეს.

Tribeca Shipping-ის ცნობით, ტანკერ Kairos-ს ნაღმზე შეჯახების შემდეგ ჩაძირვის საფრთხე ემუქრება. თუმცა, სააგენტო აღნიშნავს, რომ ბოსფორის სრუტეში საზღვაო მიმოსვლა არ შეწყვეტილა და ჩვეულ რეჟიმში გრძელდება.

Z-არხი „Zloy Moryachok“ (ბოროტი მეზღვაური) იუწყება, რომ ერთ-ერთ ტანკერს ხუთი უპილოტო ნავი დაესხნენ თავს. „ძრავის ოთახის ტერიტორია დაბომბეს. ძრავის ოთახი დაიტბორა. 19 კაციანი ეკიპაჟი რუსეთის მოქალაქეა“, - იუწყება ის. მიუხედავად იმისა, რომ არხი კონკრეტული გემის სახელს არ ასახელებს, მიუთითებს, რომ ის გამბიის დროშის ქვეშ მიცურავდა. Bloomberg-ი იუწყება, რომ ეს ტანკერ Kairos-ის დროშაა.

როიტერი აღნიშნავს, რომ ბოლო წლებში შავ ზღვაში გემების მიერ საზღვაო ნაღმებზე შეჯახების არაერთი ინციდენტი მოხდა, ასევე მოძრავი ნაღმების აღმოჩენის შემთხვევები.

ავტორი: ექსპრესნიუსი,

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა