ბრიტანეთის არმიის სარდლობამ განაცხადა, რომ იგი "სრულიად მზადაა" მონაწილეობა მიიღოს სამშვიდობო მისიაში უკრაინაში, თუ ბრიტანეთის მთავრობა ამას გადაწყვეტს.

ამის შესახებ BBC კონკრეტული ქვედანაყოფების მეთაურებზე და შეიარაღებულ ძალებში თავის წყაროებზე დაყრდნობითიუწყება.

ბრიტანეთის სწრაფი რეაგირების ძალების დაახლოებით 2500 ბრიტანელი ჯარისკაცი ამჟამად მონაწილეობს რუმინეთში ნატოს წვრთნებში, რომლებიც ტარდება უკრაინის საზღვრიდან სულ რაღაც 25 კილომეტრში.

ბრიგადის მეთაურმა ენდი უოტსონმა, რომელიც წვრთნებზე ბრიტანეთის ჯარს მეთაურობს, უთხრა BBC-ს, რომ მისი ბრიგადა "სრულად მზად არის" უკრაინაში განლაგებისთვის. მან ხაზი გაუსვა, რომ საუბარია სხვა ქვეყნებთან ერთად სამშვიდობო ოპერაციაში მონაწილეობაზე. ბრიტანეთი უკრაინაში ჯარს დამოუკიდებლად არ გაგზავნის.

უკრაინაში ჯარების გაგზავნის შესაძლებლობა - როგორც უსაფრთხოების გარანტია ცეცხლის შეწყვეტის ან მშვიდობის დადების შემდეგ - ამ კვირის დასაწყისში გამოაცხადა ბრიტანეთის პრემიერმინისტრმა კირ სტარმერმა.
სტარმერმა თქვა, რომ ბრიტანეთი მზად არის, წამყვანი როლი შეასრულოს უკრაინის უსაფრთხოების გარანტიებზე მუშაობაში, რაც მოიცავს უკრაინის შეიარაღებული ძლების შემდგომ მხარდაჭერას. ამ მიზნით ლონდონმა უკვე გამოყო სამი მილიარდი გირვანქა სტერლინგი. სტარმერის განცხადებით, ლონდონის მზადყოფნა მოიცავს საჭიროების შემთხვევაში უკრაინაში ჯარების გაგზავნასაც უსაფრთხოების გარანტიების უზრუნველსაყოფად.

ბევრმა ევროპელმა პოლიტიკოსმა, მათ შორის გერმანიის კანცლერმა, ოლაფ შოლცმა, თქვა, რომ სამშვიდობოების გაგზავნა ამჟამად დღის წესრიგში არ არის, რადგან რუსეთთან სამშვიდობო შეთანხმებები ჯერ არ არსებობს. თავად დიდ ბრიტანეთში, გაზეთ The Times-ის ცნობით, ჯერ არ არის მიღებული გადაწყვეტილება იმის შესახებ, თუ რა სახით შეიძლება ჩაერთოს ეს ქვეყანა შესაძლო სამშვიდობო მისიაში.

როგორც გაზეთი წერს, სახმელეთო ჯარების გაგზავნის ნაცვლად, ბრიტანეთს შეეძლო ეკისრა უკრაინის საჰაერო სივრცეში პატრულირება Typhoons-ის ავიაგამანადგურებლების გამოყენებით - ისევე, როგორც ისინი ამჟამად ახორციელებენ ბალტიის ქვეყნებში.

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით