თბილისში მოკლული 26 წლის ლევან ჯანგულაშვილი სიღნაღის მუნიციპალიტეტის სოფელ ნუკრიანიდან იყო. როგორც ადგილობრივები აღნიშნავენ, ის ბოლო წლებში დედასთან ერთად თბილისში ცხოვრობდა.

ჯანგულაშვილის გაუჩინარების შესახებ ინფორმაცია 12 იანვარს გავრცელდა. მისი კვალი სწორედ იმ დღეს დაიკარგა. ოჯახის წევრებმა და ახლობლებმა სოციალურ ქსელებში მიმართეს საზოგადოებას და დახმარება ითხოვეს. დაკარგულს პოლიცია მთელი ქვეყნის მასშტაბით ეძებდა.

გამოძიებით გაირკვა, რომ ჯანგულაშვილი კონფლიქტის შედეგად მოკლეს, მშენებარე კორპუსიდან გადმოაგდეს და შემდეგ ცხედარს კვალის დაფარვის მიზნით ცეცხლი წაუკიდეს.

მკვლელობის ფაქტზე 22 წლის ახალგაზრდა დაკავებულია. პროკურატურამ მას უკვე წარუდგინა ბრალი, რომელიც 10-დან 15 წლამდე თავისუფლების აღკვეთას ითვალისწინებს.

ცხედრის პოვნისა და დანაშაულის შესახებ ინფორმაცია დღეს გახდა ცნობილი.

ავტორი: ექსპრესნიუსი,

სოციალური ქსელები

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა