ალასანია: „ქართული ოცნება“ განწირულია მარცხისთვის

2016-03-05 14:27:29, 414 ნახვა

პოლიტიკა

"ქართული ოცნება“ განწირულია მარცხისთვის, მითუმეტეს, იმ ფონზე, როცა არა თუ საზოგადოების ხმა არ ესმით, არამედ ერთმანეთთან არ აქვთ კომუნიკაცია, - ამის შესახებ „თავისუფალი დემოკრატების“ ლიდერმა, ირაკლი ალასანიამ, პრემიერ-მინისტრის განცხადების კომენტირებისას განაცხადა, რომლის თანახმადაც, გიორგი კვირიკაშვილმა კოალიციაში ცვლილებები არ გამორიცხა.

"მართალი გითხრათ, ჩვენ არც გვინდა და არც გვაინტერესებს სპეკულაციებზე ვილაპარაკოთ, მაგრამ ცხადია, რომ „ქართული ოცნება“ განწირულია მარცხისთვის. ბუნებრივია, მე ის მაღელვებს, რომ ეს ყველაფერი აისახება ჩვენი ქვეყნის ეკონომიკურ და სოციალურ მდგომარეობაზე. თუ ასე გააგრძელებენ, განწირული არიან დამარცხებისთვის", - განაცხადა ირაკლი ალასანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან