რუსეთმა და უკრაინამ, არაბთა გაერთიანებული საემიროების  შუამავლობით, ოთხშაბათს, 15 იანვარს, გაცვალეს ტყვეები ფორმულით „25 25-ზე“. ქვეყნის პრეზიდენტის, ვოლოდიმირ ზელენსკის განცხადებით, უკრაინაში 24 სამხედრო მოსამსახურე დაბრუნდა, მათ შორის მარიუპოლისა და აზოვსტალის დამცველები,

ასევე უკრაინელი შეიარაღებული ძალების ჯარისკაცები, რომლებიც იბრძოდნენ რუსეთის ფედერაციის კურსკის ოლქში. „დაბრუნებულთა შორის არის ასევე სამოქალაქო პირი, რომელიც ტყვედ ჩავარდა კიევის რეგიონში და უკანონოდ დააკავეს რუსებმა“, - დასძინა სამხედრო ტყვეთა მოპყრობის საკოორდინაციო შტაბმა. რუსული ტყვეობიდან გათავისუფლებული ყველაზე ახალგაზრდა 24 წლის იყო, ყველაზე უფროსი 60 წლის.
რუსეთის თავდაცვის სამინისტრომ, თავის მხრივ, განაცხადა, რომ 25 რუსი სამხედრო უკრაინის ტყვეობიდან რუსეთის ფედერაციაში დაბრუნდა.

ეს არის პირველი პატიმართა გაცვლა ორ ქვეყანას შორის 2025 წელს, რაც ცნობილი გახდა. მანამდე უკრაინამ და რუსეთმა პატიმრები გაცვალეს 2024 წლის 30 დეკემბერს, მხარეებმა სხვადასხვა თარიღები დაასახელეს. კიევის ინფორმაციით, სამშობლოში 189 უკრაინელი დაბრუნდა, მათ შორის ორი მშვიდობიანი მოქალაქე. მოსკოვი ამტკიცებდა, რომ გაცვლა განხორციელდა ფორმულით "150 150-ზე".

12 დეკემბერს ზელენსკიმ ჩრდილოეთ კორეის ლიდერს კიმ ჩენ ინს შესთავაზა კურსკის რეგიონში უკრაინის შეიარაღებული ძალების მიერ დატყვევებული ჩრდილოეთ კორეელი ჯარისკაცები გაეცვალა რუსეთის ტყვეობაში მყოფ უკრაინელ სამხედროებზე. ფხენიანს ჯერ არ უპასუხია ზელენსკის წინადადებაზე.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა