ამერიკის შეერთებული შტატები უკრაინას სამხედრო დახმარების მორიგ პაკეტს გადასცემს, რომლის ღირებულებაც 200 მილიონ დოლარს შეადგენს. ამის შესახებ თეთრი სახლის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ გამართულ ბრიფინგზე განაცხადა.

კირბიმ განმარტა, რომ დახმარების აღნიშნული პაკეტი მოიცავს საჰაერო თავდაცვის აღჭურვილობას, HIMARS-ის საარტილერიო საბრძოლო მასალას და Javelin-ის ტიპის ტანკსაწინააღმდეგო რაკეტებს.

პენტაგონი უკრაინას დამატებით გადასცემს საჰაერო თავდაცვის სისტემებს, ასევე შორ მანძილზე მოქმედ და ტანკსაწინააღმდეგო იარაღს.

შეგახსენებთ, უკრაინისთვის სამხედრო დახმარების პაკეტის შესახებ ამერიკის შეერთებულმა შტატებმა 11 ივლისსაც განაცხადა. პაკეტი Patriot-ის ტიპის საჰაერო თავდაცვის სისტემას მოიცავდა.

ავტორი: ექსპრესნიუსი,

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს