პარლამენტის თავჯდომარის დავით უსუფაშვილის განცხადებით, პარლამენტში შექმნილი საკონსტიტუციო კომისიას თებერვლის ბოლოს უფლებამოსილების ვადა ამოეწურება და მუშაობას აღარ გააგრძელებს.

როგორც უსუფაშვილმა ჟურნალისტებს განუცხადა, კომისია მუშაობას აღარ გააგრძელებს, რადგან მას საკმარისი პოლიტიკური მხარდაჭერა არ აღმოაჩნდა.

უსუფაშვილის თქმით, კომისიამ ყველა საკითხზე - ადამიანის უფლებებთან დაკავშირებით, სახელწმიფო მართვის ორგანოებს შორის ურთიერთობაზე, თავდაცვის სისტემაზე, თვითმმართველობის თაობაზე, აჭარის ავტონომიური რესპუბლიკის სტატუსზე და იქ არსებულ საკითხებზე, სასამართლო ხელისუფლების ძალიან მნიშვნელოვან თემებზე, მოსამართლეების არჩევითობის თემაზე ძალიან სერიოზულად იმუშავა და მუშაობის შედეგები პარლამენტს წარედგინება.

„კომისიამ გააკეთა ის, რაც შეეძლო. კომისიის მუშაობას გადამწყვეტი, სერიოზული დაღი დაასვა იმ ფაქტმა, რომ ნებისმიერ ცვლილებას საქართველოს პარლამენტში სჭირდება ¾-ის უმრავლესობა, ანუ 114 ხმა. და იმ პირობებში, როდესაც მმართველმა კოალიციამ და ოპოზიციურმა „ნაციონალურმა მოძრაობამ“ ვერაფერზე ვერ მოვახერხეთ შეთანხმება კონსტიტუციურ საკითხებზე 2 გამონაკლისის გარდა, ცხადია, ამ კომისიას, რომლის შემადგენლობაშიც თავად ამ პოლიტიკური ძალების წარმომადგენლებიც იყვნენ, ექსპერტებიც და არასამთვრობო ორგანიზაციებიც, გვქონდა ძალიან დაბალი მოტივაცია, იმიტომ რომ იყო ძალიან დაბალი მოლოდინი იმისა, რომ რაც არ უნდა შემუშავებულიყო კომისიის დონეზე, ეს გავიდოდა პარლამენტში და იქცეოდა გადაწყვეტილებად.

ასევე ასე დაპირისპირებული პოლიტიკური ძალები თავად კომისიის შიგნითაც ცხადია ნაკლებად იყვნენ გადაწყვეტილების მიმღებუნარიანი, სამაგიეროდ, ძალიან სერიოზული მუშაობა გასწიეს ექსპერტებმა. მე მინდა ყველას მადლობა მოვახსენო ამის თაობაზე. დაიდო ძალიან სერიოზული შრომა. აქ არის დაახლოებით 87-88 კონკრეტული წინადადება ფორმულირების დონეზე. ანუ, კონსტიტუციის ცოტა მუხლია დარჩენილი, რომლის თაობაზეც არ არის მომზადებული ძალიან კვალიფიციური ცვლილება, რომელსაც გაიზიარებს ეს პარლამენტი ან სხვა პარლამენტი. კომისია პარლამენტს წარუდგენს ძალიან სერიოზულ ნამუშევარს, პრაქტიკულად ყველა საკითხზე, ადამიანის უფლებებთან დაკავშირებით, სახელწმიფო მართვის ორგანოებს შორის ურთიერთობაზე, თავდაცვის სისტემაზე, თვითმმართველობის თაობაზე, აჭარის ავტონომიური რესპუბლიკის სტატუსზე და იქ არსებულ საკითხებზე, სასამართლო ხელისუფლების ძალიან მნიშვნელოვან თემებზე, მოსამართლეების არჩევითობის თემაზე, ძალიან სერიოზული ნამუშევარია. ასე, რომ კომისია მუშაობას დაასრულებს თებერვალში“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა