2024-03-26 17:36:25, 862 ნახვა

---

ФСБ-ს დირექტორი - პირი, რომელმაც Crocus City Hall-ზე თავდასხმის ბრძანება გასცა, იდენტიფიცირებული არ არის

ФСБ-ს დირექტორი ალექსანდრ ბორტნიკოვი აცხადებს, რომ პირი, რომელმაც Crocus City Hall-ზე თავდასხმის ბრძანება გასცა, იდენტიფიცირებული არ არის. ამის შესახებ BBC-ის რუსულენოვანი სამსახური წერს.

ბორტნიკოვის თქმით, თავდასხმაში მონაწილე ადამიანების წრე გაფართოვდება და ამ დროისთვის დაკავებულ 11 პირზე მეტი იქნება. 

ბორტნიკოვმა ასევე განაცხადა, რომ შეტევას, რომელსაც "რადიკალი ისლამისტები" ამზადებდნენ, უკრაინის სპეცსამსახურებმა ხელი შეუწყვეს.

შეგახსენებთ, რუსეთში, Crocus City Hall-ზე თავდასხმა 22 მარტს მოხდა. საკონცერტო დარბაზში რამდენიმე შეიარაღებულმა პირმა ცეცხლი ჯგუფ "პიკნიკის" კონცერტის დაწყებამდე გახსნა. ბოლო მონაცემებით, დაღუპულია 137 ადამიანი, დაშავებულია 182 პირი. ამ დრომდე სამედიცინო დაწესებულებებში 97 მოქალაქე რჩება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი