აშშ-ის თავდაცვის მდივნის მოადგილე საერთაშორისო უსაფრთხოების საკითხებში სელესტ ვალანდერმა კომენტარი გააკეთა ალექსანდრე სირსკის უკრაინის შეიარაღებული ძალების ახალ მთავარსარდლად დანიშვნაზე.

"სირსკი არის გამოცდილი, წარმატებული მეთაური. ჩვენ ეფექტურად ვიმუშავებთ გენერალ სირსკისთან, წარსულში ჩვენ უკვე ვიმუშავეთ მასთან”, - ციტირებს ვალანდერს Reuters-ს.

სახელმწიფო დეპარტამენტმა განაცხადა, რომ ეს იყო უკრაინის სუვერენული გადაწყვეტილება.  პრეზიდენტ ბაიდენის მრჩეველმა ეროვნული უსაფრთხოების საკითხებში, ჯეიკ სალივანმა, ასე თქვა: - „უკრაინის ლიდერმა უნდა გააკეთოს არჩევანი იმის შესახებ, თუ ვინ დაიკავებს სამხედრო ხელმძღვანელობის მაღალ დონეებს. ერთადერთი, რაც შემიძლია ვთქვა, არის ის, რომ შეერთებული შტატების პერსპექტივიდან, ჩვენ გავაგრძელებთ როგორც უკრაინის მთავრობის, ასევე უკრაინელი სამხედროების მხარდაჭერას“. -აღნიშნა სალივანმა.

ნატოს გენერალურმა მდივანმა იენს სტოლტენბერგმა ასევე განაცხადა: „ეს, რა თქმა უნდა, უკრაინის გადაწყვეტილებაა... ნატოს საქმე არ არის ამ საკითხზე რაიმე აზრის გამოთქმა. მაგრამ მივესალმები საგარეო საქმეთა მინისტრის კულებას ძალიან მკაფიო განცხადებას, რომ არანაირი ცვლილება არ მოახდენს გავლენას უკრაინის ურთიერთობებზე მის პარტნიორებთან და ნატოსთან. ასე რომ, ჩვენ გავაგრძელებთ მხარდაჭერას - და ეს არის მთავარი. ”

ჭორები ზალუჟნის მოსალოდნელი გადადგომის შესახებ დიდი ხანია ვრცელდება და გასულ კვირას ვაშინგტონში ანონიმურმა წყაროებმა ბევრ წამყვან მედიას განუცხადეს, რომ პრეზიდენტმა ზელენსკიმ შეატყობინა შეერთებულ შტატებს არმიის მეთაურის შეცვლის შესახებ გადაწყვეტილების შესახებ. წყაროებმა განსაკუთრებით ხაზგასმით აღნიშნეს, რომ შეერთებულ შტატებს ამ გადაწყვეტილებისადმი არც პროტესტი და არც მხარდაჭერა გამოუთქვამს და მიიჩნია, რომ ეს უკრაინის პრეზიდენტის სუვერენული უფლებაა.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო