2023-12-01 17:16:09, 724 ნახვა

---

ისრაელის მთავრობის ცნობით, 110 მძევლის დაბრუნების შემდეგ ღაზას სექტორში კიდევ 137 მძევალი რჩება

ისრაელის მხარის ინფორმაციით, 110 მძევლის დაბრუნების შემდეგ ღაზას სექტორში კიდევ 137 მძევალი რჩება. ამის შესახებ ინფორმაციას ისრაეულური მედია, Times of Israel-ი ავრცელებს.

ისრაელის მთავრობის პრესმდივნის, ეილონ ლევის განცხადებით, ღაზას სექტორში მყოფ 137 მძევალს შორის 115 კაცი, 20 ქალი და 2 ბავშვია.

მისივე ცნობით, 10 მძევალი 75 წელს არის გადაცილებული, 126 ადამიანი ისრაელის, 11 კი უცხო ქვეყნის მოქალაქეა.

ცნობისთვის, მას შემდეგ, რაც 24 ნოემბერს ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლების გათავისუფლების რამდენიმე რაუნდი შედგა, რის სანაცვლოდაც ისრაელმა პალესტინელი პატიმრები გაათავისუფლა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი