ლიეტუვის პრეზიდენტი გიტანას ნაუსედა უნგრეთის პრემიერ-მინისტრ ვიქტორ ორბანს რუსეთის პრეზიდენტ ვლადიმერ პუტინთან შეხვედრის გამო აკრიტიკებს. 

ნაუსედას განცხადებით, "ფლირტი იმ რეჟიმთან, რომელმაც უკრაინაში სისასტიკე ჩაიდინა, უკიდურესად უცნაურია".

"უკიდურესად უცნაურია, რომ ჩვენ ვიწყებთ ფლირტს იმ რეჟიმთან, რომელმაც სისასტიკეები ჩაიდინა უკრაინის ტერიტორიაზე. ეს ძალიან ცუდ მესიჯს უგზავნის, პირველ რიგში, საერთაშორისო საზოგადოებას, თუმცა ასევე, თავად უკრაინას, რომელიც თავისუფლებისა და საკუთარი სუვერენიტეტისთვის იბრძვის, რაც ნიშნავს, რომ ის ჩვენი თავისუფლებისთვისაც იბრძვის",- თქვა გიტანას ნაუსედამ.

აღსანიშნავია, რომ ვიქტორ ორბანი ასევე გააკრიტიკა ლუქსემბურგის პრემიერ-მინისტრმა, ქსავიე ბეტელმაც და თქვა, რომ "ის, რაც ორბანმა გააკეთა ყველა უკრაინელი ჯარისკაცისა და უკრაინელისთვის შუა თითის ჩვენებაა".

ცნობისთვის, უნგრეთის პრემიერ-მინისტრი ვიქტორ ორბანი რუსეთის პრეზიდენტ ვლადიმერ პუტინს 17 ოქტომბერს, ჩინეთში, „ერთი სარტყელი, ერთი გზა“ ფორუმის ფარგლებში შეხვდა.

ავტორი: ექსპრესნიუსი,

სოციალური ქსელები

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს

პაშინიანი - საქართველოსთან ძმური ურთიერთობების შემდგომი განმტკიცება ჩვენი მთავრობის საგარეო პოლიტიკის ერთ-ერთი მთავარი მიზანია

ალიევი - აზერბაიჯანსა და საქართველოს შორის ურთიერთობები მეგობრობის, ძმობისა და კეთილმეზობლობის ტრადიციებს ეფუძნება, რაც საუკუნეების განმავლობაში ყალიბდებოდა ჩვენს ხალხებს შორის

საქართველოს მსოფლიოს სხვადასხვა ლიდერები დამოუკიდებლობის დღეს ულოცავენ