რუსეთი წუხელ ოდესის ოლქის საპორტო ინფრასტრუქტურას ისევ დაესხა თავს. 

როგორც უკრაინული მედია ოდესის რეგიონალური სახელმწიფო ადმინისტრაციის ხელმძღვანელზე, ოლეგ კიპერზე დაყრდნობით იტყობინება, დაზიანდა საგუშაგოს შენობა, საწყობები, 30-მდე სატვირთო მანქანა, დაიწვა 6 სატვირთო და დაშავდა 2 მამაკაცი.

"იზმაილის რაიონში, პორტის მიმდებარედ ინფრასტრუქტურა დაზარალდა. დაშავდა 2 მძღოლი. ერთს ადგილზე სამედიცინო დახმარება აღმოუჩინეს, მეორე კი, ხელის მძიმე დაზიანებით საავადმყოფოში მოათავსეს",- აცხადებს კიპერი.

მისივე თქმით, ადგილზე გაჩენილი ხანძარი უკვე ლიკვიდირებულია.

ცნობისთვის, რუსები ოდესის საპორტო ინფრასტრუქტურას 25 სექტემბრის ღამესაც დაესხნენ თავს. თავდასხმის შედეგად საზღვაო ტერმინალის შენობა, სასტუმრო და საწყობის შენობები დაზიანდა, გარდა ამისა, განადგურდა მარცვლეულიც.

ავტორი: ექსპრესნიუსი,

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს