არცერთი დღე არ გადის ისე, რომ რუსულმა ბოროტებამ ჩვენგან სამართლიანი პასუხი არ მიიღოს,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც სახელმწიფოს მეთაურმა ტრადიციულ ვიდეომიმართვაში აღნიშნა, უკრაინა გამარჯვებასა და სამართლიანობის აღდგენას უახლოვდება.

„ჩვენი მეომრები სამაგიეროს უხდიან ოკუპანტების ტერორს. არ გადის არცერთი დღე, რომ რუსულმა ბოროტებამ არ მიიღოს ჩვენი სრულიად სამართლიანი საპასუხო მოქმედება. ყველა განადგურებული ოკუპანტი, დამწვარი რუსული ტექნიკა, ცეცხლი მათ შტაბსა და საწყობებში, ქერჩის ხიდზე გაჩენილი კვამლი და სხვა - ეს ყველაფერი მოწმობს, რომ რუსეთის არცერთ დანაშაულს უპასუხოდ არ დავტოვებთ.

თითოეულ ჩვენს მეომარს, ვინც იმყოფება ფრონტის ხაზზე და მთელი ფრონტის ხაზის გასწვრივ ხარკოვიდან ხერსონამდე, თითოეულ ჩვენს მეომარს აქვს შესაძლებლობა, სამართლიანობა დაამყაროს უკრაინაში. უკრაინა უახლოვდება სამართლიანობას, უახლოვდება გამარჯვებას. რუსი მკვლელები ჩვენს მიწაზე უახლოვდებიან განადგურებას", - განაცხადა ზელენსკიმ.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება