თურქეთის პრეზიდენტს, რეჯეფ თაიფ ერდოღანს, რუსეთის პრეზიდენტ ვლადიმერ პუტინთან სატელეფონო საუბარი ჰქონდა. ამის შესახებ ინფორმაციას თურქეთის პრეზიდენტის ადმინისტრაცია ავრცელებს.

საუბრისას ერდოღანმა აღნიშნა, რომ თურქეთი განაგრძობს ინტენსიურ ძალისხმევასა და დიპლომატიურ მიდგომას "შავი ზღვის მარცვლეულის შეთანხმების“ გასაგრძელებლად.

თურქეთის პრეზიდენტის თქმით, შეთანხმების დიდი ხნით შეჩერება "სარგებელს არავის მოუტანს".

"პრეზიდენტმა ერდოღანმა თქვა, რომ არ უნდა გადაიდგას ნაბიჯები რუსეთ-უკრაინის ომის დროს დაძაბულობის ესკალაციისთვის. მან ხაზი გაუსვა "შავი ზღვის ინიციატივის" მნიშვნელობას, რომელსაც ის "მშვიდობის ხიდად" მიიჩნევს.

პრეზიდენტმა აღნიშნა, რომ შავი ზღვის ინიციატივის გრძელვადიანი შეწყვეტა არავის სარგებელს არ მოუტანს და რომ ყველაზე მეტად მარცვლეულისა და დაბალი შემოსავლის მქონე ქვეყნები დაზარალდებიან.

პრეზიდენტმა ერდოღანმა ასევე აღნიშნა, რომ თურქეთი გააგრძელებს ინტენსიურ ძალისხმევასა და დიპლომატიას "შავი ზღვის ინიციატივის" გაგრძელებისთვის", - ნათქვამია გავრცელებულ განცხადებაში.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე