2023-07-31 16:44:16, 1374 ნახვა
ომი უკრაინაში
მედვედევი - უკრაინის კონტრშეტევა რომ წარმატებული იყოს, რუსეთი ბირთვულ იარაღს გამოიყენებდა
რუსეთის ფედერაციის უშიშროების საბჭოს თავმჯდომარის მოადგილის, დიმიტრი მედვედევის განცხადებით, უკრაინის კონტრშეტევა რომ წარმატებული იყოს, რუსეთი ბირთვულ იარაღს გამოიყენებდა.
მისივე თქმით, უკრაინის შეიარაღებული ძალების თავდასხმების მოგერიებით, რუსეთი გლობალური კონფლიქტის გაღვევებას ხელს უშლის.
"რუსი სამხედროები უკრაინის შეიარაღებული ძალების თავდასხმების მოგერიებით, არა მხოლოდ თავიანთ ქვეყანას იცავენ, არამედ ხელს უშლიან გლობალური კონფლიქტის გაღვივებას.
თუ წარმოვიდგენთ, რომ NATO-ს მხარდაჭერით მიმდინარე უკრაინელების კონტრშეტევა წარმატებული იყო და მათ ჩვენი მიწის ნაწილი წაგვართვეს, მაშინ რუსეთის პრეზიდენტის ბრძანების წესების შესაბამისად, ჩვენ ბირთვული იარაღის გამოყენება მოგვიწევდა", - წერს მედვედევი Telegram-ზე.
ავტორი: ექსპრესნიუსი,
epn.ge (@expressnews.ge)
